അടിസ്ഥാന ജനവിഭാഗങ്ങളുടെ ആശ്രയമായി രാജ്യത്ത് എസ്ഡിപിഐ മാറുന്നു: സലീം കരമന

ബാലരാമപുരം: അടിസ്ഥാന ജനവിഭാഗങ്ങളുടെ ന്യായമായ അവകാശങ്ങള്‍ നേടി കൊടുക്കുവാന്‍ നാളിതുവരെ എസ്ഡിപിഐ നടത്തിയിട്ടുള്ള ജനാധിപത്യപരമായ ഇടപെടലുകളാണ് രാജ്യത്തിന്റെ വിവിധ ഭാഗങ്ങളില്‍ അടിസ്ഥാന ജനവിഭാഗങ്ങള്‍ അവരുടെ ആശ്രയമാക്കി എസ്ഡിപിഐ യെ നെഞ്ചിലേറ്റിയതെന്ന് എസ്ഡിപിഐ തിരുവനന്തപുരം ജില്ലാ ജനറല്‍ സെക്രട്ടറി സലീം കരമന പറഞ്ഞു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

എസ്ഡിപിഐ ബാലരാമപുരം പഞ്ചായത്ത് കമ്മിറ്റി സംഘടിപ്പിച്ച കണ്‍വെന്‍ഷന്‍ ഉത്ഘാടനം ചെയ്ത് സംസാരിക്കുകയായിരുന്നു അദ്ദേഹം. എസ്ഡിപിഐ പഞ്ചായത്ത് കമ്മിറ്റി പ്രസിഡന്റ് ഷാജി അദ്ധ്യക്ഷത വഹിച്ചു. സെക്രട്ടറി ഷെമീര്‍ സ്വാഗതം പറഞ്ഞു. പാര്‍ട്ടിയിലേക്ക് കടന്നുവന്ന എരുത്താവൂര്‍ സുനിലിനെ എസ്ഡിപിഐ കോവളം മണ്ഡലം പ്രസിഡന്റ് എ ആര്‍ അനസ് മെംബര്‍ഷിപ്പ് നല്‍കി സ്വീകരിച്ചു. മണ്ഡലം കമ്മിറ്റി അംഗം ഷാഹിര്‍ മാസ്റ്റര്‍,ബാലരാമപുരം ഗ്രാമപ്പഞ്ചായത്ത് അംഗം എം സക്കീര്‍ ഹുസൈന്‍ എന്നിവര്‍ ആശംസകള്‍ സംസാരിച്ചു.