വഖഫ് നിയമഭേദഗതിക്കെതിരായ സോളിഡാരിറ്റി-എസ്ഐഐ വിമാനത്താവള മാര്‍ച്ചില്‍ സംഘര്‍ഷം; ലാത്തിച്ചാര്‍ജില്‍ നിരവധി പേര്‍ക്ക് പരിക്ക്

വഖഫ് ഭേദഗതി നിയമത്തില്‍ പ്രതിഷേധിച്ച് സോളിഡാരിറ്റി, എസ്‌ഐഒ സംഘടനകള്‍ നടത്തിയ കരിപ്പൂര്‍ വിമാനത്താവള മാര്‍ച്ചില്‍ സംഘര്‍ഷം. എയര്‍പോര്‍ട്ട് റോഡില്‍ സമരക്കാരും പോലീസും ഏറ്റുമുട്ടി. പോലീസ് നടത്തിയ ലാത്തിച്ചാര്‍ജില്‍ നിരവധി പ്രവര്‍ത്തകര്‍ക്ക് പരിക്കേറ്റു. ഇവരെ ആശുപത്രികളിലേക്ക് മാറ്റി.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

വിമാനത്താവള റോഡ് ഉപരോധിച്ച സമരക്കാര്‍ക്കു നേരെ പോലീസ് ജലപീരങ്കിയും കണ്ണീര്‍ വാതകവും പ്രയോഗിക്കുകയുണ്ടായി. പോലീസ് ബാരിക്കേഡ് മറികടക്കാനും പ്രതിഷേധക്കാര്‍ ശ്രമിച്ചു. തുടര്‍ന്ന് നേതാക്കളുമായി പോലീസ് ചര്‍ച്ച നടത്തി. തുടര്‍ന്ന്, സമാധാനപരമായി സമരം ചെയ്യാന്‍ പോലീസ് അനുമതി നല്‍കി.

നേരത്തേ സോളിഡാരിറ്റിയും എസ്ഐഒയും പ്രഖ്യാപിച്ച സമരം പൊളിക്കാന്‍ പോലീസ് ശ്രമിച്ചിരുന്നു. പ്രതിഷേധം പോലീസിന്റെ നിയമാനുസരണ അനുമതി കൂടാതെയാണ് സംഘടിപ്പിച്ചിട്ടുള്ളതെന്നും ഇതില്‍ പങ്കെടുക്കാനായി ആളുകളെ കൊണ്ടു പോകുന്ന വാഹനങ്ങള്‍ പിടിച്ചെടുക്കുമെന്നും ചൂണ്ടിക്കാട്ടി ആള്‍ കേരള കോണ്‍ട്രാക്ട് കാരിയേജ് ഓപ്പറേറ്റേഴ്സ് അസോസിയേഷന്‍, ആള്‍ കേരള ടൂറിസ്റ്റ് ബസ് ഓപ്പറേറ്റേഴ്സ് അസോസിയേഷന്‍, ആള്‍ കേരള ടൂറിസ്റ്റ് ബസ് ഓണേഴ്സ് അസോസിയേഷന്‍, ആള്‍ കേരള ഇന്റര്‍സ്റ്റേറ്റ് ടൂറിസ്റ്റ് ബസ് ഏജന്റ് അസോസിയേഷന്‍ തുടങ്ങിയ ബസ് ഉടമകളുടെ യൂണിയനുകള്‍ക്ക് നോട്ടിസ് നല്‍കിയായിരുന്നു പോലീസ് പ്രതിഷേധത്തെ പൊളിക്കാന്‍ ശ്രമിച്ചത്.

News Tag Live യുട്യൂബ് ചാനല്‍ Subscribe ചെയ്യുക