14
Nov 2024
Tue
സൗദി അറേബ്യയിലേക്ക് കേരളത്തിന്റെ സ്വന്തം നോര്ക്ക സ്പെഷ്യലിസ്റ്റ് ഡോക്ടര്മാരെ റിക്രൂട്ട് ചെയ്യുന്നു. സൗദിഅറേബ്യയിലെ ആരോഗ്യമന്ത്രാലയത്തിലേയ്ക്ക് വിവിധ സ്പെഷ്യാലിറ്റികളില് കണ്സള്ട്ടന്റ് / സ്പെഷ്യലിസ്റ്റ് ഡോക്ടര്മാരുടെ ഒഴിവുകളിലേയ്ക്കാണ് നോര്ക്ക റൂട്ട്സ് റിക്രൂട്ട്മെന്റ് നടത്തുന്നത്. ഡിസംബര് 10 വരെ അപേക്ഷിക്കാന് സമയമുണ്ട്.
 |
|
എമര്ജന്സി, ICU (ഇന്റന്സീവ് കെയര് യൂണിറ്റ്), NICU (നവജാത ശിശു ഇന്റന്സീവ് കെയര് യൂണിറ്റ്), PICU (പീഡിയാട്രിക് ഇന്റന്സീവ് കെയര് യൂണിറ്റ്), പ്ലാസ്റ്റിക് സര്ജറി, വാസ്കുലാര് സര്ജറി എന്നീ തസ്തികകളിലാണ് ഒഴിവുകള് ഉള്ളത്.
വിശദമായ ബയോഡേറ്റയും വിദ്യാഭ്യാസം, പ്രവൃത്തിപരിചയം, പാസ്സ്പോര്ട്ട് എന്നിവയുടെ പകര്പ്പുകളും സഹിതം നോര്ക്കയുടെ താഴെ നല്കിയ വെബ്സൈറ്റുകള് സന്ദര്ശിച്ച് അപേക്ഷ നല്കാമെന്ന് നോര്ക്ക റൂട്സ് ചീഫ് എക്സിക്യൂട്ടീവ് ഓഫീസര് അജിത് കോളശ്ശേരി അറിയിച്ചു.
സ്പെഷ്യാലിറ്റികളില് കുറഞ്ഞത് മൂന്നു വര്ഷത്തെ പ്രവൃത്തിപരിചയവും വേണം.
പ്രായപരിധി 55 വയസ്സ്.
അപേക്ഷകര് മുന്പ് സൗദിയുടെ SAMR പോര്ട്ടലില് (SAMR PORTAL) രജിസ്റ്റര് ചെയ്തവരാകരുത്. സൗദി കമ്മീഷന് ഫോര് ഹെല്ത്ത് സ്പെഷ്യലിസ്റ്റ് വെബ്സൈറ്റിലെ Mumaris പ്ലസ് സേവനത്തിലൂടെ പ്രൊഫഷണല് ക്ലാസ്സിഫിക്കേഷന് നേടിയിരിക്കണം. ഡാറ്റാ ഫ്ലോ പ്രോസസിംഗ് പൂര്ത്തിയാക്കിയ ഉദ്യോഗാര്ത്ഥികള്ക്ക് മുന്ഗണന ലഭിക്കുന്നതാണ്.
വിദ്യാഭ്യാസ, തൊഴില് വാർത്തകൾ വാട്ട്സ്ആപ്പിൽ ലഭിക്കാൻ
കുറഞ്ഞത് ആറുമാസത്തെ കാലാവധിയുളള സാധുതയുളള പാസ്പോര്ട്ടും ഉളളവരാകണം അപേക്ഷകര്.
കൂടുതല് വിവരങ്ങള്ക്ക് 04712770536, 539, 540, 577 എന്നീ നമ്പറുകളിലോ (ഓഫീസ് സമയത്ത്, പ്രവൃത്തിദിനങ്ങളില്) 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +918802 012 345 (വിദേശത്തുനിന്നും, മിസ്സ്ഡ് കോള് സര്വ്വീസ്) ബന്ധപ്പെടാവുന്നതാണ്.
വെബ്സൈറ്റ്:
www.norkaroots.org
www.nifl.norkaroots.org
Specialty doctors needed for Saudi Arabia NORKA recruitment
Latest News
More Stories
All Rights Reserved © 2022