ചെന്നൈയിലെ സര്‍വ്വകലാശാലാ ക്യാമ്പസില്‍ വിദ്യാര്‍ഥിനി കൂട്ടബലാല്‍സംഗത്തിനിരയായി

ചെന്നൈ: ചെന്നൈ അണ്ണാ സര്‍വകലാശാല ക്യാമ്പസില്‍ വിദ്യാര്‍ത്ഥിനിയെ കൂട്ടബലാല്‍സംഗത്തിനിരയാക്കി. (Student gang-raped on university campus in Chennai) സീനിയറായ സുഹൃത്തിനൊപ്പം പള്ളിയില്‍ പോയി തിരിച്ചു വരുമ്പോഴാണ് സംഭവം.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

സുഹൃത്തിനെ അജ്ഞാതരായ രണ്ട് പേര്‍ ചേര്‍ന്ന് മര്‍ദിച്ച് അവശനാക്കി ശേഷം പെണ്‍കുട്ടിയെ സമീപത്തുള്ള കുറ്റിക്കാട്ടിലേക്ക് വലിച്ചിഴച്ച് കൊണ്ടുപോയി ബലാത്സംഗം ചെയ്യുകയായിരുന്നു.

സര്‍വകലാശാലയിലെ രണ്ടാം വര്‍ഷ വിദ്യാര്‍ത്ഥിനിയാണ് ബലാത്സംഗത്തിനിരയായത്. ഇന്ന് പുലര്‍ച്ചയോടെയായിരുന്നു സംഭവം.

ALSO READ: മുന്‍ വനിതാ ബ്രാഞ്ച് പ്രസിഡന്റിന്റെ ആരോപണം: നേതാക്കള്‍ക്കെതിരേ നടക്കുന്നത് വ്യാജ പ്രചാരണമെന്ന് എസ്ഡിപിഐ

വിദ്യാര്‍ത്ഥിയുടെ പരാതിയില്‍ കോട്ടൂര്‍ പൊലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചിട്ടുണ്ട്. ഭാരതീയ ന്യായ സംഹിത സെക്ഷന്‍ 64 പ്രകാരമാണ് കോട്ടൂര്‍പുരം പൊലീസ് കേസെടുത്തത്.

സര്‍വകലാശാലയുടെ ഗേറ്റിലേത് ഉള്‍പ്പെടെ പരിസരത്തെ സി.സി.ടി.വികള്‍ പൊലീസ് പരിശോധിച്ചുവരികയാണ്. സംഭവത്തെ തുടര്‍ന്ന് പ്രതിഷേധം ശക്തമായിട്ടുണ്ട്.