ഡോ. വന്ദനാ ദാസിനെ കുത്തിക്കൊന്ന അധ്യാപകൻ സന്ദീപനെ സസ്പെൻഡ് ചെയ്തു

തിരുവനന്തപുരം: കൊട്ടാരക്കാര താലൂക്ക് ആശുപത്രിയിലെ ഡോ വന്ദനാ ദാസി(23)നെ കുത്തിക്കൊന്ന അധ്യാപകൻ ജി സന്ദീപിനെ പൊതുവിദ്യാഭ്യാസ വകുപ്പ് സസ്‌പെൻഡ് ചെയ്തു. വിദ്യാഭ്യാസ മന്ത്രിയുടെ നിർദേശ പ്രകാരം നടത്തിയ വകുപ്പുതല അന്വേഷണത്തിലാണ് നടപടി. നെടുമ്പന യുപി സ്കൂളിലെ അധ്യാപകനാണ് ജി സന്ദീപ്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

കൂടുതൽ കർശനമായ തുടർനടപടികൾ ഉണ്ടാകുമെന്ന് മന്ത്രി അറിയിച്ചു. വെളിയം ഉപജില്ലയിലെ എയ്ഡഡ് സ്കൂൾ ആയ യുപിഎസ് വിലങ്ങറയിൽ നിന്ന് തസ്തിക നഷ്ടപ്പെട്ട് സംരക്ഷിതാധ്യാപകനായി 2021 ഡിസംബർ 14 മുതൽ കുണ്ടറ ഉപജില്ലയിലെ എയ്ഡഡ് സ്കൂൾ ആയ യുപിഎസ് നെടുമ്പനയിൽ ഹെഡ് ടീച്ചർ വേക്കൻസിയിൽ യു പി എസ് ടി ആയി ജോലി നോക്കുകയായിരുന്നു സന്ദീപ്.

ബുധൻ പുലർച്ചെയാണ് പൊലീസ് ആശുപത്രിയിലെത്തിച്ച സന്ദീപ് ഡോക്ടർ വന്ദനാ ദാസിനെ കത്രികയ്ക്ക് കുത്തിക്കൊന്നത്. നിരവധി പൊലീസുകാർക്കും ആംബുലൻഡ് ഡ്രൈവറിനും കുത്തേറ്റിരുന്നു. ​ഗുരുതരമായി പരിക്കേറ്റ ഡോക്ടറെ തിരുവനന്തപുരം കിംസ് ആശുപത്രിയിലെത്തിച്ചെങ്കിലും മരിക്കുകയായിരുന്നു.

News Tag Live യുട്യൂബ് ചാനല്‍ Subscribe ചെയ്യുക