10 ലക്ഷത്തിന്റെ ഡയമണ്ട് നെക്ലേസ് കവർന്ന് പോവുന്നതിനിടെ പഴയ സാരിവാങ്ങാനായി തിരികെയെത്തിയ വീട്ടുജോലിക്കാരി പിടിയിൽ

ത​ല​ശേ​രി: ന​ഗ​ര​മ​ധ്യ​ത്തി​ലെ പ്ര​വാ​സി​യു​ടെ വീ​ട്ടി​ൽ​നി​ന്നു 10 ല​ക്ഷം രൂ​പ വി​ല വ​രു​ന്ന ഡ​യ​മ​ണ്ട് നെ​ക്ലേ​സ് ക​വ​ർ​ന്നു രക്ഷപ്പെടുന്നതിനിടെ പഴയ രണ്ടുസാരിവാങ്ങുന്നതിനായി തിരികെയെത്തിയ വീട്ടുജോലിക്കാരിയെ പിടികൂടി. സേ​ലം ക​ൽ​ത്താ​നം സ്വ​ദേ​ശി​നി വി​ജ​യ​ല​ക്ഷ്മി(40)​യാ​ണ് ജോലി ചെയ്തിരുന്ന വീട്ടിൽ നിന്ന് ഡയമണ്ട് നെക്ലേസ് അടിച്ചുമാറ്റി രക്ഷപ്പെടാൻ ശ്രമിച്ചത്. ത​ല​ശേ​രി ടൗ​ൺ പൊ​ലീ​സ് ആണ് വിജയലക്ഷ്മിയെ അ​റ​സ്റ്റ് ചെ​യ്ത​ത്. രേഷ്മയുടെ പ്രായമായ ഉമ്മയെ സഹായിക്കാനായി വീട്ടിൽജോലിക്കുവന്നതായിരുന്നു വിജയലക്ഷ്മി.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ചി​റ​ക്ക​ര മ​റ ഹൗ​സി​ൽ രേ​ഷ്മ സാ​ജിദി​ൻറെ ഡ​യ​മ​ണ്ടാ​ണ് ക​വ​ർ​ന്ന​ത്. രേ​ഷ്മ​യു​ടെ വീ​ട്ടി​ൽ ജോ​ലി​ക്കാരിയായിരുന്നു വി​ജ​യ​ല​ക്ഷ്മി​. രേഷ്മ കു​ളി​ക്കാ​ൻ ക​യ​റി​യ​പ്പോ​ൾ കി​ട​പ്പു മു​റി​യി​ൽ അ​ഴി​ച്ചു​വ​ച്ചിരുന്നതാണ് ആ​ഭ​ര​ണം. കുളികഴിഞ്ഞ് നെക്ലേസ് അ​ണി​യാ​ൻ ശ്ര​മി​ക്കു​ന്ന​തി​നി​ട​യി​ൽ ഇതു നി​ല​ത്തു വീ​ഴു​ക​യും ക​ട്ടി​ലി​നി​ട​യി​ലേ​ക്ക് തെ​റി​ച്ചു പോ​കു​ക​യും ചെ​യ്തു. ക​ട്ടി​ൽ നീ​ക്കി ആ​ഭ​ര​ണം എ​ടു​ക്കാ​നു​ള്ള ശ്ര​മം പ​രാ​ജ​യ​പ്പെ​ട്ട​തോ​ടെ പി​ന്നെ എ​ടു​ക്കാ​മെ​ന്ന് ക​രു​തി​യ രേ​ഷ്മ ഇ​ക്കാ​ര്യം മ​റ​ന്നു​പോ​കു​ക​യും ചെ​യ്തു.

കഴിഞ്ഞദിവസം നെക് ലേസ് ഓർമ വന്നപ്പോൾ മാല തിരഞ്ഞെങ്കിലും കണ്ടില്ല. വീട്ടുജോലിക്കെത്തിയ വിജയലക്ഷ്മി മാത്രമായിരുന്നു ഈ ദിവസങ്ങളിൽ പുറത്തുനിന്നു വന്നിരുന്നത്. സംശയം മൂലം രേഷ്മ ഉമ്മയെക്കൊണ്ട് വിജയലക്ഷ്മിയെ ഫോണിൽ വിളിപ്പിച്ചു. നാട്ടിൽ പോവുകയാണെന്ന് വിജയലക്ഷ്മി പറഞ്ഞതോടെ മകൾ ഏതാനും സാരി ഏൽപ്പിച്ചിട്ടുണ്ടെന്നും വന്ന് വാങ്ങിപ്പോവാനും രേഷ്മയുടെ ഉമ്മ പറഞ്ഞു. ഇതോടെ വിജയലക്ഷ്മി വീട്ടിൽ തിരികെയെത്തി. തുടർന്ന് രേഷ്മ വിജയലക്ഷ്മിയുടെ ബാഗ് പിടിച്ചുവാങ്ങി പരിശോധിച്ചെങ്കിലും മാല കണ്ടെത്താനായില്ല. വിജയലക്ഷ്മിയുടെ ഫോൺ വാങ്ങി പരിശോധിച്ചപ്പോൾ ഒരു വലിയ ബാഗിൻറെ ഫോട്ടോ മറ്റാർക്കോ അയച്ചുനൽകിയ ഫോട്ടോ രേഷ്മ കണ്ടു.

ഇ​തി​നി​ട​യി​ൽ സ്ഥ​ല​ത്തെ​ത്തി​യ എ​സ്ഐ സ​ജേ​ഷി​ൻറെ നേ​തൃ​ത്വ​ത്തി​ലു​ള്ള പൊ​ലീ​സ് സം​ഘം വി​ജ​യ​ല​ക്ഷ്മി​യെ ചോ​ദ്യം ചെയ്തെങ്കിലും താൻ ഒന്നും എടുത്തിട്ടില്ല എന്നായിരുന്നു വിജയലക്ഷ്മിയുടെ നിലപാട്. നാട്ടിലേക്ക് പോവാനെടുത്ത വലിയ ബാഗ് എവിടെയെന്ന ചോദ്യത്തിന് ന​ഗ​ര​ത്തി​ലെ ഒ​രു ക​ട​വ​രാ​ന്ത​യിൽ വച്ചിട്ടുണ്ടെന്ന് മറുപടി നൽകി.പൊലീസ് ഈ ബാഗ് കണ്ടെടുത്തു വന്ന ശേഷം നടത്തിയ പരിശോധനയിലും നെക് ലേസ് കണ്ടെത്തിയില്ല. ബാഗിലുണ്ടായിരുന്ന സോപ്പ് പെട്ടി പൊട്ടിച്ചു നോക്കിയപ്പോഴാണ് നെക് ലേസ് കണ്ടത്.

വിജയലക്ഷ്മി മുമ്പു ജോലി ചെയ്തിരുന്ന പല വീടുകളിൽ നിന്നും വിജയലക്ഷ്മി മോഷണം നടത്തിയിട്ടുണ്ടെന്ന് പൊലീസ് നടത്തിയ പ്രാഥമികാന്വേഷണത്തിൽ വ്യക്തമായി.

News Tag Live യുട്യൂബ് ചാനല്‍ Subscribe ചെയ്യുക