സെക്സ് നിരസിച്ചതിന് 20കാരിയെ ജീവിതപങ്കാളി കുത്തിക്കൊന്നു

ലൈം​ഗികബന്ധം നിരസിച്ചതിന് 20കാരിയെ ഒപ്പംതാമസിച്ചിരുന്ന യുവാവ് കുത്തിക്കൊന്നു. മധ്യപ്രദേശിലെ ഇൻഡോറിലാണ് സംഭവം. സംഭവത്തിൽ പ്രവീൺ സിങ് ധകത്(24)എന്നയാളെ പൊലീസ് അറസ്റ്റ് ചെയ്തു.ഇൻസ്റ്റ​ഗ്രാമിലൂടെ പരിചയപ്പെട്ട ഇരുവരും ന​ഗരത്തിൽ വാടകവീടെടുത്ത് ഒന്നിച്ചുതാമസം തുടങ്ങിയത് അടുത്തിടെയാണെന്ന് പൊലീസ് പറഞ്ഞു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഡിസംബർ ഏഴിനാണ് പ്രവീൺ ലിവിങ് ടു​ഗദർ പങ്കാളിയെ കത്രികയ്ക്ക് കഴുത്തിൽകുത്തിക്കൊന്നത്. കുത്തേറ്റ് യുവതി മരിച്ചതിനു പിന്നാലെ പ്രവീൺ യുവതിയുടെ മൊബൈൽഫോൺ എടുത്ത് വീട് പൂട്ടി രക്ഷപ്പെട്ടു. രണ്ടുദിവസത്തിനു ശേഷമാണ് യുവതിയുടെ മൃതദേഹം പൊലീസ് കണ്ടെത്തുന്നത്. ഇതിനു പിന്നാലെയാണ് യുവാവിനെ അറസ്റ്റ് ചെയ്തത്.