കഴിഞ്ഞ റമദാനില്‍ കുവൈത്തില്‍ ഇസ്ലാം സ്വീകരിച്ചത് 730 പേര്‍; ഏഴ് വര്‍ഷത്തിനിടയിലെ റെക്കോഡ്

കുവൈത്ത് സിറ്റി: കുവൈത്തില്‍ ഇസ്ലാം മതത്തിലേക്ക് പരിവര്‍ത്തനം ചെയ്യുന്നവരുടെ എണ്ണം കൂടുന്നു. (730 people converted to Islam in Kuwait last Ramadan ) കഴിഞ്ഞ ഏഴു വര്‍ഷത്തിനിടയില്‍ രാജ്യത്ത് ഏറ്റവുമധികം പേര്‍ ഇസ്ലാമിലേക്ക് വന്നത് ഈ വര്‍ഷം റമദാനിലാണെന്ന് ഇസ്ലാം മത പ്രചാരണ സമിതി ഡയറക്ടര്‍ ജനറല്‍ അമ്മാര്‍ അല്‍-കന്ദറി പറഞ്ഞു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഈ വര്‍ഷം റമദാന്‍ 29 വരെ വിവിധ രാജ്യങ്ങളില്‍ നിന്നുള്ള പുരുഷന്‍മാരും സ്ത്രീകളും ഉള്‍പ്പെടെ 730 പേരാണ് ഇസ്ലാം ആശ്ലേഷിച്ചത്. 78 മത പ്രബോധകരുടെ ശ്രമഫലമായാണ് ഈ നേട്ടം കൈവരിച്ചതെന്നും അദ്ദേഹം അറിയിച്ചു.

സമിതിയുടെ നേതൃത്വത്തില്‍ ഈ റമദാന്‍ മാസത്തില്‍ ‘ചേഞ്ച് ദെയര്‍ ലൈവ്‌സ്’ എന്ന പേരില്‍ പ്രത്യേക പ്രചാരണ പരിപാടി നടത്തിയിരുന്നു. അമുസ്ലിംകള്‍ക്ക് ഇസ്ലാമിനെ പരിചയപ്പെടുത്തുക എന്നതായിരുന്നു ലക്ഷ്യം.

ഇതിന്റെ ഭാഗമായി വിവിധ ഗവര്‍ണറേറ്റുകളിലായി 1,200 പ്രഭാഷണങ്ങള്‍ സംഘടിപ്പിച്ചു. 1,700 പ്രഭാഷണ കിറ്റുകള്‍ വിതരണം ചെയ്തതായും കന്ദറിഅറിയിച്ചു.

News Tag Live യുട്യൂബ് ചാനല്‍ Subscribe ചെയ്യുക