28
Sep 2026
Mon
വാഷിംഗ്ടണ്: ലഹരിമരുന്ന് നല്കി മണിക്കൂറുകളോളം കൂട്ടബലാത്സംഗത്തിനിരയാക്കിയെന്ന പൂര്വ്വ വിദ്യാര്ത്ഥിനിയുടെ ഞെട്ടിക്കുന്ന പരാതിയില് അമേരിക്കയിലെ പ്രശസ്തമായ കോര്ണല് സര്വകലാശാലയ്ക്കും (Cornell University) 7 വിദ്യാര്ത്ഥികള്ക്കുമെതിരെ നിയമനടപടി. അക്രമത്തില് നിന്ന് സംരക്ഷിക്കുന്നതില് സര്വകലാശാല പരാജയപ്പെട്ടുവെന്ന് ആരോപിച്ചാണ് ഇരയായ യുവതി കോടതിയെ സമീപിച്ചത്. സംഭവത്തില് ന്യൂയോര്ക്ക് പ്രോസിക്യൂഷന് അന്വേഷണം പുനരാരംഭിച്ചു.
 |
|
പ്രധാന വിവരങ്ങൾ (Key Highlights)
- കോർണൽ സർവകലാശാലയ്ക്കെതിരെ കേസ്: ഫ്രറ്റേണിറ്റി ഹൗസിൽ വെച്ച് ലഹരിമരുന്ന് നൽകി കൂട്ടബലാത്സംഗം ചെയ്ത സംഭവത്തിൽ പൂർവ്വ വിദ്യാർത്ഥിനി സർവകലാശാലയ്ക്കും 7 പേർക്കുമെതിരെ കേസ് കൊടുത്തു.
- സ്നാപ്ചാറ്റ് ഗ്രൂപ്പ് സന്ദേശം: യുവതി അബോധാവസ്ഥയിലായിരിക്കുമ്പോൾ കൂട്ടായ്മയുടെ സ്നാപ്ചാറ്റ് ഗ്രൂപ്പിൽ അശ്ലീല സന്ദേശമയച്ച് കൂടുതൽ പേരെ വരുത്തുകയായിരുന്നു.
- നടപടി സ്വീകരിച്ചില്ലെന്ന് പരാതി: പ്രതികൾക്കെതിരെ കടുത്ത ശിക്ഷാനടപടികളോ അറസ്റ്റോ ഉണ്ടായില്ലെന്നും ഇതേത്തുടർന്ന് തനിക്ക് പഠനം ഉപേക്ഷിക്കേണ്ടി വന്നുവെന്നും യുവതി വ്യക്തമാക്കി.
2024-ല് കോര്ണല് സര്വകലാശാലയിലെ ‘ചി ഫൈ’ (Chi Phi) ഫ്രറ്റേണിറ്റി ഹൗസില് (വിദ്യാര്ത്ഥി കൂട്ടായ്മയുടെ കേന്ദ്രം) വെച്ചാണ് സംഭവം നടന്നത്. തനിക്ക് മദ്യം നല്കി ലഹരിയിലാക്കിയ ശേഷം കെറ്റാമൈന് (Ketamine) എന്ന മയക്കുമരുന്ന് നിര്ബന്ധിച്ച് നല്കുകയും തുടര്ന്ന് ഏഴുപേര് ചേര്ന്ന് ക്രൂരമായി ബലാത്സംഗം ചെയ്യുകയായിരുന്നുവെന്ന് യുവതി പരാതിയില് പറയുന്നു.
സ്നാപ്ചാറ്റ് ഗ്രൂപ്പിലെ അശ്ലീല സന്ദേശം
യുവതി അബോധാവസ്ഥയില് കിടക്കുമ്പോള് പ്രതികളിലൊരാള് ഫ്രറ്റേണിറ്റിയുടെ ‘Chi Phi Actives’ എന്ന സ്നാപ്ചാറ്റ് ഗ്രൂപ്പില് ലൈംഗികാനന്ദത്തിന് പെണ്കുട്ടിയെ സൗജന്യമായി ലഭ്യമാണെന്ന രീതിയില് അശ്ലീല സന്ദേശമയക്കുകയായിരുന്നു. ഇതിന് മറുപടിയായി മറ്റ് അംഗങ്ങള് അധിക്ഷേപകരമായ കമന്റുകള് ഇടുകയും തുടര്ന്ന് കൂടുതല് പേര് സ്ഥലത്തെത്തി മണിക്കൂറുകളോളം ലൈംഗികമായി പീഡിപ്പിക്കുകയുമായിരുന്നു എന്ന് പരാതിയില് പറയുന്നു. സ്നാപ്ചാറ്റ് സന്ദേശങ്ങളുടെ സ്ക്രീന്ഷോട്ടുകളും കോടതിയില് തെളിവായി ഹാജരാക്കിയിട്ടുണ്ട്.
സിസ്റ്റത്തിന്റെ പരാജയമെന്ന് വക്കീല്
സംഭവം നടന്ന് മൂന്ന് ആഴ്ചയ്ക്ക് ശേഷമാണ് യുവതി പോലീസില് പരാതി നല്കിയത്. സര്വകലാശാല ആഭ്യന്തര അന്വേഷണം നടത്തിയെങ്കിലും പ്രതികളായ ഏഴുപേരില് രണ്ടുപേരെ മാത്രമാണ് പുറത്താക്കിയത്. മറ്റുള്ളവര്ക്ക് സസ്പെന്ഷന് ഉള്പ്പെടെയുള്ള നിസ്സാര ശിക്ഷകള് മാത്രമാണ് നല്കിയത്. പ്രതികളില് ഒരാളെപ്പോലും അറസ്റ്റ് ചെയ്തില്ലെന്ന് യുവതിയുടെ അഭിഭാഷകന് തോമസ് ഗിയുഫ്ര കുറ്റപ്പെടുത്തി. ഈ ദാരുണ സംഭവത്തെ തുടര്ന്ന് യുവതി പഠനം ഉപേക്ഷിച്ചു.
അധികൃതരുടെ പ്രതികരണം
പരാതി പരിശോധിച്ചെങ്കിലും കുറ്റപത്രം ചുമത്താന് തക്ക തെളിവുകള് ലഭിച്ചില്ലെന്നാണ് ടോംപ്കിന്സ് കൗണ്ടി ഡിസ്ട്രിക്റ്റ് അറ്റോര്ണി പ്രതികരിച്ചത്. എന്നാല് നിയമപരമായ നടപടികളോട് സഹകരിക്കുമെന്നും അക്രമം നടന്ന ഫ്രറ്റേണിറ്റി ഗ്രൂപ്പിന്റെ പ്രവര്ത്തനം കാമ്പസില് നിരോധിച്ചിട്ടുണ്ടെന്നും കോര്ണല് സര്വകലാശാല മാനേജ്മെന്റ് അറിയിച്ചു. ലൈംഗിക അതിക്രമങ്ങള് തടയാന് പ്രത്യേക ടാസ്ക് ഫോഴ്സിന് രൂപം നല്കിയിട്ടുണ്ടെന്നും സര്വകലാശാല വ്യക്തമാക്കി.
Tags: Cornell University, Gang Rape Lawsuit, US Crime News, Chi Phi Fraternity, New York News Malayalam, World News Malayalam, International Crime News
News Tag Live യുട്യൂബ് ചാനല് Subscribe ചെയ്യുക
Latest News
More Stories
All Rights Reserved © 2026