ഹോർമുസ് കടലിടുക്കിൽ ഇറാൻ സ്ഥാപിച്ച മൈനിൽ തട്ടി രണ്ട് എണ്ണക്കപ്പലുകൾക്ക് തീപിടിച്ചു

ഹോർമുസ് കടലിടുക്കിന് തെക്ക് ഇറാൻ സ്ഥാപിച്ച മൈനുകളിൽ തട്ടി രണ്ട് എണ്ണക്കപ്പലുകൾക്ക് തീപിടിച്ചതായി ഇറാന്റെ റെവല്യൂഷണറി ഗാർഡ്സ് നാവികസേന (ഐആർജിസി). ചൊവ്വാഴ്ച സ്റ്റേറ്റ് മീഡിയ വഴി പുറത്തുവിട്ട പ്രസ്താവനയിലാണ് ഐആർജിസി ഇക്കാര്യം അറിയിച്ചത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

മൈനുകളിൽ തട്ടിയതിനെ തുടർന്ന് രണ്ട് കപ്പലുകളും തീപിടിച്ച് നിശ്ചലമായെന്നാണ് പ്രസ്താവനയിൽ പറയുന്നത്. എന്നാൽ കപ്പലുകൾക്ക് ആക്രമണമുണ്ടായ കൃത്യമായ സമയം വ്യക്തമാക്കിയിട്ടില്ല.

അതിനിടെ, തിങ്കളാഴ്ച രാത്രി ഇറാൻ ഒരു യുഎസ് ഡ്രോണും വെടിവെച്ചിട്ടതായി ഐആർജിസി അവകാശപ്പെട്ടു. റോയിട്ടേഴ്‌സാണ് ഇക്കാര്യം റിപ്പോർട്ട് ചെയ്തത്.

ആഗോള എണ്ണവ്യാപാരത്തിന്റെ പ്രധാന സമുദ്രപാതകളിലൊന്നായ ഹോർമുസ് കടലിടുക്കിന് സമീപത്തെ സംഭവവികാസങ്ങൾ മേഖലയിലെ സംഘർഷം കൂടുതൽ രൂക്ഷമാകുമെന്ന ആശങ്ക ഉയർത്തുന്നുണ്ട്. കപ്പലുകൾക്ക് നേരെയുണ്ടായ സംഭവങ്ങളെക്കുറിച്ചുള്ള കൂടുതൽ വിവരങ്ങൾ ലഭ്യമായിട്ടില്ല.

News Tag Live യുട്യൂബ് ചാനല്‍ Subscribe ചെയ്യുക