25
Oct 2026
Sun
ജിദ്ദ / മക്ക: യെമനില്‍ നിന്ന് ഹൂത്തികള്‍ സൗദി അറേബ്യയ്ക്ക് നേരെ തൊടുത്തുവിട്ട രണ്ട് ബാലിസ്റ്റിക് മിസൈലുകള്‍ സൗദി വ്യോമ പ്രതിരോധ സേന ആകാശത്തുവെച്ച് വിജയകരമായി തടഞ്ഞു തകര്‍ത്തു. മക്ക നഗരത്തെ ലക്ഷ്യമിട്ടെത്തിയ മിസൈലുകള്‍ തകര്‍ത്തതിനെ തുടര്‍ന്ന്, അവയുടെ അവശിഷ്ടങ്ങള്‍ വിശുദ്ധ ഹറം പള്ളിയില്‍ നിന്ന് വെറും 21 കിലോമീറ്റര്‍ മാത്രം അകലെയുള്ള വാദി അല്‍ മഗ്മസില്‍ പതിച്ചതായി സൗദി അവകാശപ്പെട്ടു.
 |
|
ആക്രമണത്തെ തുടര്‍ന്ന് ജനവാസ മേഖലകള്‍ക്ക് ഭീഷണിയാകാതിരിക്കാന്‍ സൗദി അധികൃതരും സിവില്‍ ഡിഫന്‍സും അടിയന്തര സുരക്ഷാ ജാഗ്രതാ നിര്‍ദ്ദേശങ്ങള്‍ പുറപ്പെടുവിച്ചു.
മക്ക, ജിദ്ദ, തായിഫ് അടക്കം നാലിടങ്ങളില്‍ മിസൈല്‍ അവശിഷ്ടങ്ങള്‍
വ്യോമസേന മിസൈലുകള്‍ തകര്‍ത്തതിനെ തുടര്‍ന്ന് ചിതറിത്തെറിച്ച അവശിഷ്ടങ്ങള്‍ വെസ്റ്റ് പ്രവിശ്യയിലെ പ്രധാനപ്പെട്ട നാല് കേന്ദ്രങ്ങളിലാണ് വീണത്. മക്ക വാദി അല്‍ മഗ്മസ് (ഹറമില്‍ നിന്ന് 21 കിലോമീറ്റര്‍ അകലെ), ജിദ്ദയിലെ അല്‍ നുസ്ഹ ഡിസ്ട്രിക്ട്, തായിഫിലെ വാദി ജലീല്‍, റാബഗിലെ മസ്തൂറ പ്രദേശങ്ങളിലാണ് മിസൈലുകള്‍ പതിച്ചത്.
അപകടകരമായ അവശിഷ്ടങ്ങള്‍ വീണ സ്ഥലങ്ങളില്‍ സിവില്‍ ഡിഫന്‍സ് അധികൃതരെത്തി സുരക്ഷാ നടപടികള്‍ സ്വീകരിച്ചു. ആര്‍ക്കും പരിക്കുകളോ വലിയ നാശനഷ്ടങ്ങളോ റിപ്പോര്‍ട്ട് ചെയ്തിട്ടില്ല.
മക്കയെ ലക്ഷ്യമിട്ടെന്ന ആരോപണം തള്ളി ഹൂത്തികള്‍
കിഴക്കന്‍ പ്രവിശ്യയിലെ ദമാം കിംഗ് ഫഹദ് ഇന്റര്‍നാഷണല്‍ എയര്‍പോര്‍ട്ട്, റിയാദ്, യാന്‍ബു, റാബിഗ് എന്നിവിടങ്ങളിലെ സൗദി അറാംകോ എണ്ണ ശുദ്ധീകരണ ശാലകള്‍ എന്നിവ ലക്ഷ്യമിട്ട് തങ്ങള്‍ വന്‍തോതില്‍ ഡ്രോണുകളും മിസൈലുകളും അയച്ചിട്ടുണ്ടെന്ന് ഹൂത്തി സൈനിക വക്താവ് യഹ്യ സര്‍ഇ അവകാശപ്പെട്ടു. എന്നാല്‍, ഇസ്ലാമിന്റെ പവിത്ര നഗരങ്ങളായ മക്കയെയോ മദീനയെയോ തങ്ങള്‍ ലക്ഷ്യമിട്ടിട്ടില്ലെന്നും, സൗദി പ്രചരിപ്പിക്കുന്നത് തെറ്റായ വിവരങ്ങളാണെന്നും ഹൂത്തി വക്താവ് അവകാശപ്പെട്ടു.
എന്നാല്‍ ഇതിനു മുന്‍പും വിശുദ്ധ നഗരങ്ങളുടെ പരിസരങ്ങളിലേക്ക് ഹൂത്തികള്‍ മിസൈല്‍ ഡ്രോണ്‍ ആക്രമണങ്ങള്‍ നടത്തിയിട്ടുള്ളതായി അന്താരാഷ്ട്ര നിരീക്ഷകര്‍ ചൂണ്ടിക്കാണിക്കുന്നു.
വ്യോമഗതാഗതത്തിനും ജാഗ്രതാ നിര്‍ദ്ദേശം
സുരക്ഷാ ഭീഷണിയും മിസൈല്‍ പ്രതിരോധ പ്രവര്‍ത്തനങ്ങളും കാരണം ജിദ്ദ, റിയാദ്, ദമാം തുടങ്ങിയ വിമാനത്താവളങ്ങളിലേക്കുള്ള ചില അന്താരാഷ്ട്ര വിമാന സര്‍വീസുകള്‍ മുന്‍കരുതലിന്റെ ഭാഗമായി താല്‍ക്കാലികമായി വഴിതിരിച്ചുവിടുകയോ സമയക്രമത്തില്‍ മാറ്റം വരുത്തുകയോ ചെയ്തിട്ടുണ്ട്. ഏതൊരു തരത്തിലുള്ള വ്യോമാക്രമണ ഭീഷണികളെയും നേരിടാന്‍ സൗദി വ്യോമസേനയും പ്രതിരോധ സംവിധാനങ്ങളും സദാ സജ്ജമാണെന്നും പൊതുജനങ്ങള്‍ പരിഭ്രാന്തരാകാതെ ഔദ്യോഗിക നിര്‍ദ്ദേശങ്ങള്‍ പാലിക്കണമെന്നും സിവില്‍ ഡിഫന്‍സ് വക്താക്കള്‍ അറിയിച്ചു.
Tags: Houthi Missile Attack Makkah, Saudi Air Defense Intercepts Missile, Wadi Al Maghmas Makkah Missile Debris, Jeddah Taif Rabigh Alert Saudi, Gulf News Malayalam, Pravasi News Malayalam
News Tag Live യുട്യൂബ് ചാനല്‍ Subscribe ചെയ്യുക
Latest News
Trending
More Stories
All Rights Reserved © 2026