നവംബർ മുതൽ ഖത്തറിലേക്ക് ‘സന്ദർശക’ പ്രവേശനം ഹയ്യ കാർഡ് ഉടമകൾക്ക് മാത്രം

നവംബർ മുതൽ ലോകകപ്പ് തീരുന്നത് വരെ ഖത്തർ പൗരന്മാരോ താമസ വിസക്കാരോ അല്ലാത്തവർക്ക് ഖത്തറിലേക്കുള്ള പ്രവേശനം പരിമിതപ്പെടുത്തുമെന്ന് അൽ കാസ് ചാനലിൽ ഹയ്യ പ്ലാറ്റ്‌ഫോമിന്റെ എക്‌സിക്യൂട്ടീവ് ഡയറക്ടർ സയീദ് അൽ-കുവാരിയെ ഉദ്ധരിച്ച് ഒരു പ്രാദേശിക അറബിക് ദിനപത്രം റിപ്പോർട്ട് ചെയ്തു. പ്രവാസി ജിസിസി പൗരന്മാർ ഉൾപ്പെടെ എല്ലാ രാജ്യങ്ങളിൽ നിന്നുമുള്ള എല്ലാ സന്ദർശകർക്കും ഈ നിയമം ബാധകമാണ്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഖത്തറി റെസിഡൻസിയുള്ളവർക്കും ഖത്തർ പൗരന്മാർക്കും ഇവന്റിലുടനീളം എപ്പോൾ വേണമെങ്കിലും രാജ്യത്ത് പുറത്തുകടക്കാനും പ്രവേശിക്കാനും സ്വാതന്ത്ര്യമുണ്ട്. ഏതെങ്കിലും മാച്ച് ടിക്കറ്റ് ഉടമകൾക്ക് ഹയ്യ കാർഡിന്റെ ആനുകൂല്യങ്ങൾ ലഭിക്കും. കൂടാതെ താമസസൗകര്യം ലഭ്യമാകുമെന്ന വ്യവസ്ഥയിൽ മുഴുവൻ സമയവും രാജ്യത്ത് തുടരാം. ഹയ്യ കാർഡ് ഒരു മൾട്ടിപ്പിൾ എൻട്രി പെർമിറ്റായി കണക്കാക്കപ്പെടുന്നു. 2023 ജനുവരി 23 വരെ സാധുതയുണ്ട്.

അതേസമയം,2022 ഫിഫ ലോകകപ്പ് ഖത്തറിനായി ഒരു പ്രത്യേക ഹെൽപ് ലൈൻ നമ്പർ ആരംഭിച്ചിട്ടൂണ്ട്. അവിടെ ഖത്തറിനുള്ളിൽ നിന്നുള്ള ആളുകൾക്ക് ബന്ധപ്പെട്ട എല്ലാ അന്വേഷണങ്ങൾക്കും ഉത്തരം ലഭിക്കും. നിലവിൽ, ഇത് ഇംഗ്ലീഷിലും അറബിയിലുമാണ്, പിന്നീട് ഫിഫ അംഗീകൃത അഞ്ച് ഭാഷകൾ ഉൾപ്പെടുത്തും. അന്താരാഷ്ട്ര നമ്പർ 00974 44412022 ആണ്.