കര്‍ണാടകയില്‍ സുരേഷ് ഗോപിയെ ഇറക്കി BJP; നാളെ വാഹനപ്രചാരണ ജാഥയില്‍ നടനും

ബംഗളൂരു: നിയമസഭാ തെരഞ്ഞെടുപ്പ് നടക്കുന്ന കര്‍ണാടകയില്‍ പാര്‍ട്ടിയുടെ മുന്‍ എം.പിയായ നടന്‍ സുരേഷ് ഗോപിയെയും രംഗത്തിറക്കി ബി.ജെ.പി. ദാസറഹള്ളി നിയമസഭാമണ്ഡലത്തിലെ ബി.ജെ.പി സ്ഥാനാര്‍ഥി എസ്. മുനിരാജുവിന്റെ തിരഞ്ഞെടുപ്പ് പ്രചാരണത്തിന്റെ ഭാഗമായി സംഘടിപ്പിക്കുന്ന വാഹനപ്രചാരണ ജാഥയില്‍ സുരേഷ് ഗോപി പങ്കെടുക്കും.തിങ്കളാഴ്ച വൈകീട്ട് നാലിന് മല്ലസാന്ദ്ര സര്‍ക്കാര്‍ ആശുപത്രിക്ക് സമീപം ആരംഭിക്കുന്ന വാഹനപ്രചാരണ ജാഥ വൈകീട്ട് ആറിന് ജാലഹള്ളി അയ്യപ്പക്ഷേത്രത്തിന് സമീപത്തെ ദോസ്തി മൈതാനത്ത് അവസാനിക്കും. തുടര്‍ന്നുനടക്കുന്ന സമ്മേളനത്തില്‍ സാമൂഹിക, സാംസ്‌കാരികരംഗത്തെ പ്രമുഖര്‍ പങ്കെടുക്കും.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>