കൊണ്ടോട്ടി സ്വദേശി സൗദിയില്‍ ഹൃദയാഘാതം മൂലം നിര്യാതനായി

റിയാദ്: സൗദിയിലെ മധ്യ പ്രവിശ്യയില്‍ ഹൃദയാഘാതം മൂലം മലയാളി നിര്യാതനായി.(A native of Kondotty died of a heart attack in Saudi Arabia.)  മലപ്പുറം കൊണ്ടോട്ടി തുറക്കല്‍ ചെമ്മലപറമ്പ് സ്വദേശി പരേതനായ പാമ്പിന്റകത്ത് മുസ്തഫയുടെ മകന്‍ പാമ്പിന്റകത്ത് ഹാരിസ് (43) ആണ് മരിച്ചത്. റിയാദില്‍നിന്ന് 150 കിലോമീറ്ററകലെ ഹുത്ത ബനീ തമീമില്‍ ആണ് ജോലി ചെയ്തിരുന്നത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

മൃതദേഹം ഹുത്ത ബനീ തമീം ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്നു. ഇവിടെ അജ്ഫാന്‍ എന്ന കമ്പനിയില്‍ ജീവനക്കാരനായിരുന്നു. മാതാവ്: ബിരിയുമ്മ. ഭാര്യ: സഫാന. മകന്‍: ഷിഫിന്‍.

മൃതദേഹം നാട്ടിലേക്ക് കൊണ്ടുപോകുന്നതിനുള്ള നിയമനടപടികള്‍ പൂര്‍ത്തീകരിക്കാന്‍ റിയാദ് കെ.എം.സി.സി മലപ്പുറം ജില്ല വെല്‍ഫെയര്‍ വിങ്ങിന്റെയും അല്‍ ഖര്‍ജ് ഹുത്ത കെ.എം.സി.സി വെല്‍ഫെയര്‍ വിങ്ങിന്റെയും പ്രവര്‍ത്തകര്‍ രംഗത്തുണ്ട്.