ഞണ്ടുകളെ പിടിക്കാൻ പോയ അഞ്ചുകുട്ടികൾ വനത്തിൽ കുടുങ്ങി

ഞണ്ടുകളെ പിടിക്കാൻ പോയ അഞ്ചുകുട്ടികൾ വനത്തിൽ കുടുങ്ങി. ദേശീയ ദുരന്തനിവാരണ സേനയും അ​ഗ്നിരക്ഷാസേനയും നടത്തിയ സംയുക്ത തിരച്ചിലിനൊടുവിൽ പുലർച്ചെ മൂന്നോടെ കുട്ടികളെ കണ്ടെത്തി. മഹാരാഷ്ട്രയിലെ താനെയിലാണ് സംഭവം. 12 വയസ്സുവരെ പ്രായമുള്ള കുട്ടികളാണ് ഞണ്ടുകളെ പിടിക്കാൻ പോയി വഴിതെറ്റി വനത്തിൽ അകപ്പെട്ടത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

കഴിഞ്ഞദിവസം വൈകീട്ട് അഞ്ചോടെയാണ് ആസാദ് ന​ഗറിലെ ദർ​ഗാ ​ഗല്ലിയിൽ നിന്ന് അഞ്ചുകുട്ടികളെ മമ്പ്ര കുന്നിലേക്ക് ഞണ്ടുകളെ പിടിക്കാൻ പോയത്. എന്നാൽ ഇരുട്ടുവീണതോടെ കുട്ടികൾ കാട്ടിൽ അകപ്പെടുകയും നിലവിളിച്ച് വിവരം പുറത്തറിയിക്കാൻ ശ്രമിക്കുകയും ചെയ്തിരുന്നു. ഈ സമയം ശബ്ദം കേട്ടവർ തിരച്ചിൽ നടത്തിയെങ്കിലും കുട്ടികളെ കണ്ടെത്താനായില്ല. ഇവരാണ് വിവരം ഫയർ ഫോഴ്സിനെ അറിയിച്ചത്.

തുടർന്ന് ദേശീയ ദുരന്ത നിവാരണ സേനയിലെയും അ​ഗ്നിശമന സേനയിലെയും അം​ഗങ്ങളെത്തി രക്ഷാപ്രവർത്തനം തുടങ്ങി. പരിചിതമല്ലാത്ത കുന്നിൻപ്രദേശവും കനത്ത മഴയും ഇരുട്ടും രക്ഷാപ്രവർത്തനം അതീവദുഷ്കരമാക്കിയെങ്കിലും പുലർച്ചെ മൂന്നോടെ കുട്ടികളെ കണ്ടെത്താനായി. തുടർന്ന് കുട്ടികളെ മാതാപിതാക്കൾക്കു കൈമാറി.

News Tag Live യുട്യൂബ് ചാനല്‍ Subscribe ചെയ്യുക