ശല്യക്കാരായ കാട്ടുപന്നികളെ വെടിവയ്ക്കാൻ ഉത്തരവിറക്കി വനംവകുപ്പ്

ശല്യക്കാരായ കാട്ടുപന്നിയെ വെടിവയ്ക്കാൻ ഉത്തരവിറക്കി വനംവകുപ്പ്. നിലവിലെ ചട്ടത്തിൽ ഭേദഗതി വരുത്തിയാണ് പുതിയ ഉത്തരവ് വനം വകുപ്പ് പുറത്തിറക്കിയത്. അംഗീകൃത ഷൂട്ടർമാരുടെ പ്രവർത്തന പരിധി വിപുലീകരിച്ചു കൊണ്ടാണ് ഉത്തരവ്. അംഗീകൃത ഷൂട്ടർക്ക് സംസ്ഥാനത്തിൽ എവിടെ വേണമെങ്കിലും ശല്യക്കാരായ കാട്ടുപന്നിയെ വെടിവയ്ക്കാം എന്ന് ഉത്തരവിൽ പറയുന്നു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

നിലവിൽ ഓരോ തദ്ദേശസ്വയംഭരണ സ്ഥാപനങ്ങൾക്ക് കീഴിലെ പട്ടികയിൽ ഉള്ള അംഗീകൃത ഷൂട്ടർമാർക്ക് ആ പരിധിയിൽ മാത്രമേ കാട്ടുപന്നിയെ വെടിവെക്കാൻ സാധിക്കുമായിരുന്നുള്ളൂ. സംസ്ഥാനത്തെ 95 ശതമാനം പഞ്ചായത്തുകളിലും കാട്ടുപന്നികളുടെ സാന്നിധ്യം സ്ഥിരീകരിച്ചിട്ടുണ്ടെന്ന് വനംവകുപ്പ് വ്യക്തമാക്കുന്നു. കൃഷിനാശവും മനുഷ്യർക്കുള്ള ഭീഷണിയും വർധിച്ചതോടെ കാട്ടുപന്നി നിയന്ത്രണത്തിന് പ്രത്യേക നടപടികളാണ് സർക്കാർ നടപ്പാക്കുന്നത്.

ALSO READ: 13000 കോടി രൂപയുടെ മയക്കുമരുന്ന് പിടിച്ചെടുത്ത കേസിലെ പിടികിട്ടാപ്പുള്ളിയെ ഇന്ത്യയിലേക്ക് നാടുകടത്തി യുഎഇ

News Tag Live യുട്യൂബ് ചാനല്‍ Subscribe ചെയ്യുക