36 വർഷത്തിനുശേഷം പുരുഷന്റെ വയറ്റിൽ നിന്ന് ഗർഭസ്ഥ ശിശുവിനെ പുറത്തെടുത്ത കഥ

നാ​ഗ്പൂർ: 36 വർഷം ​ഗർഭസ്ഥ ശിശുവിനെ വയറ്റിൽ വഹിച്ചയാളാണ് 60കാരനായ നാ​ഗ്പൂർ സ്വദേശി ഭ​ഗത്. ആദ്യമൊക്കെ ജോലി ചെയ്യാനായിരുന്നു വയർ തടസ്സമായതെങ്കിൽ പിന്നീടത് ശ്വസിക്കാൻ പോലും അനുവദിക്കാതെയാക്കി. ആശുപത്രിയിൽ ചികിൽസ തേടിയതോടെയാണ് അപൂർവ മെഡിക്കൽ അവസ്ഥയാണ് ഭ​ഗത് നേരിട്ടിരുന്നതെന്ന് ഡോക്ടർമാർ അറിയുന്നത്. 1999ൽ നടന്ന ഈ സംഭവത്തെക്കുറിച്ച് ദ ഡെയ്ലി സ്റ്റാറാണ് ഇപ്പോൾ റിപോർട്ട് ചെയ്തത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

​ഗർഭസ്ഥ ശിശുവിന്റെ ഉള്ളിൽ ഭ്രൂണം വളരുന്ന അപൂർവ മെഡിക്കൽ അവസ്ഥയാണ് ഭ​ഗത്തിനുണ്ടായിരുന്നത്. വാനിഷിങ് ട്വിൻ സിൻഡ്രോം എന്നാണ് ഈ അവസ്ഥയ്ക്ക് പറയുന്നത്. ​ഗർഭിണി പുരുഷൻ എന്നാണ് വീർത്ത വയർ മൂലം ഭ​ഗത് അറിയപ്പെട്ടിരുന്നത്. പൂർണ​ഗർഭിണികളുടേത് പോലുള്ള വലിയ വയർമൂലം ജോലി ചെയ്യാനും ശ്വസിക്കാനും പോലും ഭ​ഗത് ബുദ്ധിമുട്ടുകയായിരുന്നു.

തുടർന്ന് മുംബൈയിലെ ആശുപത്രിയിൽ അദ്ദേഹം ചികിൽസ തേടി. ഡോ. അജയ് മെഹ്തയായിരുന്നു ഭ​ഗത്തിനെ ചികിൽസിച്ചത്. വയറിൽ ട്യൂമർ വളരുകയാണെന്നായിരുന്നായിരുന്നു ഡോക്ടർ ആദ്യം കരുതിയത്. വയർ തുറന്ന് മുഴ പുറത്തെടുത്തപ്പോഴാണ് ​ഗർഭസ്ഥശിശുവാണെന്ന് വ്യക്തമായത്.

​ഇതു കണ്ട് ഡോക്ടർ പോലും ആദ്യം ഞെട്ടിപ്പോയി.അമ്മയുടെ വയറ്റിൽ ആയിരിക്കുന്ന സമയത്ത് ഒപ്പമുണ്ടായിരുന്ന ​ഭ്രൂണമാണ് ഭ​ഗത്തിന്റെ ഉള്ളിൽ വളർന്നതെന്ന് ഡോക്ടർമാർക്ക് മനസ്സിലായി. ലോകത്ത് തന്നെ വളരെക്കുറവ് കേസുകളാണ് ഇത്തരത്തിലുണ്ടായതെന്നാണ് നാഷനൽ ലൈബ്രറി ഓഫ് സയൻസ് വ്യക്തമാക്കുന്നത്.