എയര്‍ ഇന്ത്യ വിമാനത്തില്‍ ഇന്‍ഡിഗോ ഇടിച്ചു; അന്വേഷണം പ്രഖ്യാപിച്ച് വ്യോമയാന വകുപ്പ്

കൊല്‍ക്കത്ത: വിമാനത്തവളത്തില്‍ നിര്‍ത്തിയിട്ടിരിക്കുകയായിരുന്ന എയര്‍ ഇന്ത്യ എക്സ്പ്രസിന്റെ ചിറകില്‍ ഇന്‍ഡിഗോ വിമാനം ഇടിച്ചു. എയര്‍ ഇന്ത്യ വിമാനം റണ്‍വേയില്‍ പ്രവേശിക്കാന്‍ അനുമതി കാത്തുനില്‍ക്കുമ്പോഴാണ് എയര്‍പോര്‍ട്ടില്‍ റണ്‍വേയിലേക്ക് നീങ്ങുകയായിരുന്ന ഇന്‍ഡിഗോ വിമാനം ചിറകില്‍ ഇടിച്ചത്. സംഭവത്തില്‍ വ്യോമയാന വകുപ്പ് അന്വേഷണം ആരംഭിച്ചു. ( IndiGo Aircraft Hits Stationary Air India Express Plane at Kolkata Airport  )

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

കൊല്‍ക്കത്തയിലെ റണ്‍വേയിലേക്ക് പ്രവേശിക്കാന്‍ ക്ലിയറന്‍സ് കാത്ത് നില്‍ക്കുമ്പോള്‍ മറ്റൊരു എയര്‍ലൈനിന്റെ വിമാന ചിറകിന്റെ അറ്റം തങ്ങളുടെ വിമാനത്തിന്റെ മുകളില്‍ ഉരസുകയായിരുന്നുവെന്ന് എയര്‍ ഇന്ത്യ എക്‌സ്പ്രസ് വക്താവ് പ്രസ്താവനയില്‍ പറഞ്ഞു. ചെന്നൈയിലേക്ക് പറക്കാനിരിക്കുകയായിരുന്നു വിമാനം. യാത്രക്കാര്‍ക്കുണ്ടായ അസൗകര്യത്തില്‍ എയര്‍ ഇന്ത്യ എക്‌സ്പ്രസ് വക്താവ് ക്ഷമ ചോദിച്ചു.

അപകടത്തെ തുടര്‍ന്ന കൊല്‍ക്കത്തയില്‍ നിന്ന് ദര്‍ഭംഗയിലേക്ക് പറക്കാനിരുന്നു 6ഇ 6152 ഇന്‍ഡിഗോ വിമാനം വൈകി. യാത്രക്കാര്‍ക്ക് ഭക്ഷണപാനീയങ്ങള്‍ നല്‍കിയതായും മറ്റൊരു വിമാനം ഏര്‍പ്പെടുത്തിയതായും ഇന്‍ഡിഗോ അറിയിച്ചു.