മുട്ട കഴിച്ചാല്‍ കൊളസ്‌ട്രോള്‍ കൂടുമെന്നതു നുണ! ഒരു ദിവസം എത്ര മുട്ട കഴിക്കാം

മുട്ട കൊളസ്‌ട്രോള്‍ വര്‍ധിപ്പിക്കുമെന്ന പ്രചാരണം തുടങ്ങിയിട്ട് കാലങ്ങളേറെയായി. (It’s a lie that eating eggs will increase cholesterol! How many eggs can you eat in a day?)  ഹൃദ്രോഗ സാധ്യത ഭയന്ന് മുട്ടയെ ഒഴിവാക്കുന്നവരാണ് വലിയൊരു ഭാഗം. മഞ്ഞ ഒഴിവാക്കി വെള്ള മാത്രം കഴിക്കുന്നവരുമുണ്ട്. എന്നാല്‍, മുട്ട കഴിച്ചാല്‍ കൊളസ്‌ട്രോള്‍ കൂടില്ലെന്ന് പറയുകയാണ് എന്‍ഡോക്രൈനോളജിസ്റ്റായ ഡോ. ദീപ് ദത്ത.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

താന്‍ ഒരു ദിവസം 4 മുട്ടകള്‍ കഴിക്കുമെന്നും, അതായത് ആഴ്ചയില്‍ 28 മുട്ടകള്‍ കഴിക്കാറുണ്ടെന്നും അദ്ദേഹം എക്‌സില്‍ കുറിച്ചു. മുട്ട കഴിക്കുമ്പോള്‍ കൊളസ്‌ട്രോള്‍ കൂടുമെന്നത് ഒരു തെറ്റിദ്ധാരണയാണ്. അവ പ്രോട്ടീനുകളുടെ മികച്ച ഉറവിടമാണ്. കഴിഞ്ഞ 1.5 വര്‍ഷമായി പ്രതിദിനം താന്‍ 4 മുട്ടകള്‍ കഴിക്കാറുണ്ടെന്നും അദ്ദേഹം വ്യക്തമാക്കി.

ALSO READ: പെരിന്തല്‍മണ്ണയില്‍ സ്‌കൂളില്‍ വിദ്യാര്‍ഥികള്‍ ഏറ്റുമുട്ടി; മൂന്നുപേര്‍ക്ക് കുത്തേറ്റു

മുട്ടയില്‍ കൊളസ്‌ട്രോള്‍ അടങ്ങിയിട്ടുണ്ട്, ഒരു മുട്ടയുടെ മഞ്ഞക്കരുവില്‍ ഏകദേശം 186 മില്ലിഗ്രാം. എന്നാല്‍, ഈ കൊളസ്‌ട്രോള്‍ മിക്ക ആളുകളുടെയും രക്തത്തിലെ കൊളസ്‌ട്രോളിനെ കാര്യമായി ബാധിക്കുന്നില്ല.

70% ആളുകളിലും മുട്ട കഴിക്കുന്നത് കൊളസ്‌ട്രോള്‍ വര്‍ധിപ്പിക്കുന്നില്ലെന്ന് കാണിക്കുന്നു. ബാക്കിയുള്ള 30% പേരില്‍, ചെറിയ വര്‍ധനവ് ഉണ്ടായേക്കാം, പക്ഷേ അത് ഹൃദയാരോഗ്യത്തെ പ്രതികൂലമായി ബാധിക്കുന്നില്ല.

മുട്ടകള്‍ യഥാര്‍ത്ഥത്തില്‍ എച്ച്ഡിഎല്‍, അതായത് നല്ല കൊളസ്‌ട്രോള്‍ വര്‍ധിപ്പിക്കാന്‍ സഹായിക്കുന്നു. ഇത് ഹൃദയത്തെ സംരക്ഷിക്കുന്നു. ഉയര്‍ന്ന കൊളസ്‌ട്രോളിന് കാരണമാവുന്നത് സംസ്്കരിച്ച ഭക്ഷണങ്ങള്‍, ട്രാന്‍സ് ഫാറ്റുകള്‍, അമിതമായ പഞ്ചസാര എന്നിവയാണ്. മുട്ട പോലുള്ള പ്രകൃതിദത്ത ഭക്ഷണങ്ങളല്ല.