22
Nov 2024
Mon
ജിദ്ദ: പ്രവാസം അവസാനിപ്പിച്ച് നാട്ടിലേക്കു മടങ്ങുന്ന ജനകീയ ഡോക്ടര് പി കെ ദിനേശന് കേരള പൗരാവലി ജിദ്ദയുടെ ആഭിമുഖ്യത്തില് ജിദ്ദ പൗര സമൂഹത്തിന്റെ യാത്രാ മൊഴികള് നേര്ന്നു. മെഡിക്കല് പ്രാക്ടീസ് ഏറ്റവും സാന്ത്വനം നിറച്ച രോഗീ സൗഹൃദ പരിചരണമാക്കി പരിവര്ത്തിപ്പിച്ചതാണ് ജിദ്ദയുടെ ജനഹൃദയങ്ങളില് ഇടം പിടിക്കാന് ഡോ. ദിനേശന് കഴിഞ്ഞതെന്ന് യാത്രയയപ്പുയോഗത്തില് പങ്കെടുത്തവര് പറഞ്ഞു.
 |
|
പൗരാവലി ചെയര്മാന് കബീര് കൊണ്ടോട്ടി അധ്യക്ഷത വഹിച്ചു. ജനറല് കണ്വീനര് മന്സൂര് വയനാട് സ്വാഗതവും ട്രഷറര് ഷെരീഫ് അറക്കല് നന്ദിയും പറഞ്ഞു. കേരളത്തിലെ മുഴുവന് ജില്ലകളില് നിന്നുള്ള പ്രതിനിധികള് പങ്കെടുത്തു.
ജില്ലാ പ്രതിനിധികളായി റാഫി ബീമാപള്ളി (തിരുവനന്തപുരം), സജിത്ത് എ മജീദ് (കൊല്ലം), നസീര് വാവാക്കുഞ്ഞ് (ആലപ്പുഴ) ഫാസില് (ഇടുക്കി), അടൂര് വിലാസ് (പത്തനംതിട്ട) ഉണ്ണി തെക്കേടത്ത് ( തൃശൂര്), സുബൈര് ആലുവ (എറണാകുളം), ജലീല് കണ്ണമംഗലം (മലപ്പുറം), ഗഫൂര് അമ്പലവയല് (വയനാട്), ഹിഫ്സു റഹ്മാന് (കോഴിക്കോട്), രാധാകൃഷ്ണന് കാവുമ്പായി (കണ്ണൂര്), സി.എച്ച് ബഷീര് (കാസര്കോട്), അഡ്വ. ബഷീര് അപ്പക്കാടന്, (പാലക്കാട്), ഗഫൂര് അമ്പലവയല് വയനാട്), പ്രസൂണ് ദിവാകരന് (കോട്ടയം), നാസര് വെളിയംകോട് (കെ എം സി സി), അസ്ഹാബ് വര്ക്കല(ഒ.ഐ. സി സി), അഡ്വ.ഷംസുദീന് (നവോദയ), അലി മുഹമ്മദ് അലി (ജെ.എന്.എച്ച്), ബിജു രാമന്തളി (മീഡിയ ഫോറം), ഒമര് ഫാറൂഖ് (പ്രവാസി വെല്ഫെയര് ഫോറം) മാധ്യമപ്രവര്ത്തകന് മുസാഫര് ഏലംകുളം എന്നിവര് ആശംസകള് നേര്ന്നു. ജിദ്ദ കേരള പൗരാവലിയുടെ ആശംസാ ഫലകം കബീര് കൊണ്ടോട്ടി ഡോ.ദിനേശന് കൈമാറി.
ചടങ്ങിനോടനുബന്ധിച്ചു നടന്ന സാംസ്കാരിക രാവില് സോഫിയ സുനില്, മിര്സ ഷെരീഫ്, അഫ്ര റാഫി, മുംതാസ് അബ്ദു റഹ്മാന്, സിമി അബ്ദുല് ഖാദര്, സുവിജ സത്യന്, ഇസ്മയില് ഇജ്ലു, റാഫി ആലുവ എന്നിവര് ഗാനങ്ങള് ആലപിച്ചു. നിസ്വാര്ഥ സേവനം നടത്തുമെന്ന് പ്രതിജ്ഞയെടുത്ത എല്ലാ ഡോക്ടര്മാര്ക്കും രോഗി സൗഹൃദ പരിചരണം തങ്ങളുടെ തൊഴിലിന്റെ ഉള്കാമ്പാണെന്നും ഡോ. ദിനേശന് വ്യക്തമാക്കി. പ്രവാസകാലത്ത് തനിക്ക് ലഭിച്ച സ്നേഹത്തിനും പരിഗണനകള്ക്കും അദ്ദേഹം കൃതജ്ഞത രേഖപ്പെടുത്തി.
അലി തേക്കുതോട്, നവാസ് തങ്ങള്, കോയിസ്സന് ബീരാന്കുട്ടി, അബ്ദുല് ഖാദര് ആലുവ, വേണു അന്തിക്കാട്, നാസര് ചാവക്കാട് എന്നിവര് വിവിധ പരിപാടികള്ക്ക് നേതൃത്വം നല്കി.
Latest News
More Stories
All Rights Reserved © 2022