മഹീന്ദ്ര ഥാർ Roxx വിപണിയിൽ; സവിശേഷതകളറിയാം

വാഹനപ്രേമികൾ ആവേശത്തോടെ കാത്തിരുന്ന 5 ഡോറുകളോട് കൂടിയ മഹീന്ദ്ര ഥാർ Roxx വിപണിയിൽ. 12.99 ലക്ഷം രൂപയാണ് വാഹനത്തിന്റെ ഡൽഹിയിലെ എക്സ് ഷോറൂം വില. മഹീന്ദ്ര ഥാറിനെ അപേക്ഷിച്ച് മഹീന്ദ്ര ഥാർ Roxx മോഡലിന് പ്രകടമായ ഒട്ടേറെ വ്യത്യാസങ്ങളുണ്ട്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

442.8 സെന്റിമീറ്റർ ഉയരും 187 സെന്റിമീറ്റർ വീതിയും 192.3 സെന്റിമീറ്റർ ഉയരവുമാണ് Roxx മോഡലിനുള്ളത്. മഹീന്ദ്ര ഥാറിനിത് യഥാക്രമം 392.5, 182. 185.5 സെന്റിമീറ്ററുകളാണ്.

Roxxന് 2 ലിറ്റർ ടർബോ പെട്രോൾ, 2.2 ലിറ്റർ ഡീസൽ എൻനുകളാണുള്ളത്. മഹീന്ദ്ര ഥാറിന് 1.5 ലിറ്റർ ടർബോ പെട്രോൾ, 2.2 ലിറ്റർ ഡീസൽ എൻജിനുകളാണ്. 6 എയർബാ​ഗുളാണ് Roxxനുള്ളത്. 360 ഡി​ഗ്രി കാമറ, ഫ്രണ്ട്, ബാക്ക് പാർക്കിങ് സെൻസറുകൾ, കുന്നു കയറുന്നതിനും ഇറങ്ങുന്നതിനുമുള്ള നിയന്ത്രണം, എല്ലാ ചക്രങ്ങൾക്കും ഡിസ്ക് ബ്രേക്ക്, ടയറുകളിലെ കാറ്റ് നിരീക്ഷിക്കുന്നതിനുള്ള സംവിധാനം, ഇലക്ട്രോണിക്ക് പാർക്കിങ് ബ്രേക്ക്, പിന്നിലെ ​​ഗ്ലാസിലും വൈപ്പറും ഈർപ്പം കളയുന്നതിനുള്ള സംവിധാനവും, റെയിൻ സെൻസിങ് വൈപ്പറുകൾ, എല്ലാ സീറ്റുകളിലും 3 പോയിന്റ് സീറ്റ് ബെൽറ്റുകൾ, സീറ്റ് ബെൽറ്റ് റിമൈൻഡർ തുടങ്ങി ഒട്ടേറെ സംവിധാനങ്ങളാണ് Roxxൽ ഏർപ്പെടുത്തിയിരിക്കുന്നത്.