മൂന്ന് വയസുകാരിയെ കൊന്ന് മൃതദേഹം പ്ലാസ്റ്റിക് കവറിലാക്കി; പ്രതി അറസ്റ്റിൽ

മൂന്ന് വയസുകാരിയെ കൊലപ്പെടുത്തി മൃതദേഹം പ്ലാസ്റ്റിക് കവറിലാക്കി. ഹരിയാനയിലെ ഫരീദാബാദിൽ ആണ് സംഭവം. സംഭവത്തിൽ പ്രതി അറസ്റ്റിലായി. വീടിന്റെ മേൽക്കൂരയിൽ നിന്ന് ചാടി രക്ഷപ്പെടാൻ ശ്രമിക്കുന്നതിനിടെയാണ് പ്രതിയെ പിടികൂടിയത്. ജിതേന്ദർ എന്നയാളാണ് പിടിയിലായത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

കുട്ടിയെ ചൊവ്വാഴ്ച മുതൽ കാണാനില്ലായിരുന്നു. കുടുംബം നടത്തിയ അന്വേഷണത്തിലാണ് മൃതദേഹം പ്രതിയുടെ വീടിന് അടുത്തുള്ള വീട്ടിലെ കുളിമുറിയിൽ പ്ലാസ്റ്റിക് കവറിലാക്കിയ നിലയിൽ കണ്ടെത്തിയത്.

മൂർച്ചയേറിയ ആയുധം ഉപയോ​ഗിച്ച് പ്രതി കുട്ടിയെ കൊലപ്പെടുത്തുകയായിരുന്നു. കുട്ടിയുടെ പിതാവ് നൽകിയ പരാതിയുടെ അടിസ്ഥാനത്തിൽ പ്രതിക്കെതിരെ പോക്സോ ഉൾപ്പെടെയുള്ള വകുപ്പുകൾ പ്രകാരം പൊലീസ് കേസെടുത്തിട്ടുണ്ട്.

പ്രതി ആശുപത്രിയിൽ ചികിത്സയിലാണെന്നും അതിന് ശേഷം ചോദ്യം ചെയ്യൽ തുടരുമെന്നും പൊലീസ് അറിയിച്ചു.