17
Jan 2024
Thu
UAEയിലേക്ക് അധ്യാപകരെ വേണം; കനത്ത ശമ്പളം, മറ്റ് ആനുകൂല്യങ്ങളും
 |
|
ദുബൈ: യുഎഇയിലെ വിവിധ സ്കൂളുകളില് 700ലധികം അധ്യാപക ഒഴിവുകള് വരുന്നു. UAEയിലെ വിവിധ എമിറേറ്റ്സുകളായ ദുബൈയിലും ഷാര്ജയിലും അബൂദബിയിലും ഒഴിവുകളുണ്ട്.
ജോബ് സൈറ്റ് ടെസ് അനുസരിച്ച് (മുന്പ് ദ ടൈംസ് എഡ്യൂക്കേഷണല് സപ്ലിമെന്റ്) ദുബൈയില് ഏകദേശം 500 ഒഴിവുകളും അബുദാബിയില് 150 ലധികവും ഷാര്ജയില് അമ്പതോളം ഒഴിവുകളും ആണ് വരിക. ജെംസ് എഡ്യൂക്കേഷന്, താലീം, ബ്ലൂം എജ്യുക്കേഷന്, അല്ദാര് തുടങ്ങിയ യുഎഇയിലെ പ്രമുഖ സ്കൂള് ഗ്രൂപ്പുകളില് ആയിരിക്കും കൂടുതല് ഒഴിവുകള്. ദുബൈ ബ്രിട്ടീഷ് സ്കൂള് എമിറേറ്റ്സ് ഹില്സിന് സംഗീത അദ്ധ്യാപകനെയും കായിക പരിശീലകനെയും പ്രധാന അദ്ധ്യാപകനെയും ആവശ്യമുണ്ട്. സണ്മാര്ക്ക് സ്കൂള് ക്രിയേറ്റീവ് ആര്ട്ട്സിന്റെ തലവനെ തേടുന്നു. ജെംസ് വെല്ലിംഗ്ടണ് ഇന്റര്നാഷണല് സ്കൂള് പെര്ഫോമിംഗ് ആര്ട്സ് ഡയറക്ടറെയും കായിക ഡയറക്ടറെയും തിരയുന്നു.
ജെംസ് മെട്രോപോള് സ്കൂളില് പ്രൈമറി വിഭാഗത്തില് അസിസ്റ്റന്റ് ഹെഡ് ഒഴിവുണ്ട്. അതേസമയം ആര്ക്കാഡിയ ഗ്ലോബല് സ്കൂളില് സെക്കന്ഡറി സ്കൂളില് അസിസ്റ്റന്റ് ഹെഡ് ഒഴിവുണ്ട്. അബുദാബിയില് അല് റബീഹ് അക്കാദമിക്ക് ഗണിതശാസ്ത്ര മേധാവിയെ ആവശ്യമുണ്ട്. നോയ ബ്രിട്ടീഷ് സ്കൂളില് ആദ്യവര്ഷ ഫൗണ്ടേഷന് സ്റ്റേജ് തലവനെ റിക്രൂട്ട് ചെയ്യുന്നു.ക്രാന്ലീ അബുദാബിയില് നിരവധി ഓപ്പണിംഗുകള് ഉണ്ട്. ഒരു ചിത്രകലാ അധ്യാപകനെയും സ്പാനിഷ് അദ്ധ്യാപകനെയും പെര്ഫോമിംഗ് ആര്ട്സ് ഡയറക്ടറെയും മറ്റ് റോളുകള്ക്കായി നിയമിക്കുമെന്ന് പ്രതീക്ഷിക്കുന്നു. ഷാര്ജയിലെ വിക്ടോറിയ ഇന്റര്നാഷണല് സ്കൂള് ആദ്യകാല അധ്യാപകരെ തിരയുന്നു.
തുടക്ക ശമ്പളം 3000 ദിര്ഹം ആണ്. പല തസ്തികകളിലേക്കുമുള്ള ഒഫീഷ്യല് നോട്ടിഫിക്കേഷന് അടുത്ത ദിവസങ്ങളില് തന്നെ ഉണ്ടാകും.
More than 700 teaching jobs on offer as UAE schools recruit for next academic year
Latest News
More Stories
All Rights Reserved © 2022