തൃശൂരിൽ പേ വിഷബാധയേറ്റ പശുവിനെ വെടിവച്ചുകൊന്നു

തൃശൂരിൽ പേ വിഷബാധയേറ്റ പശുവിനെ വെടിവച്ചുകൊന്നു. പാലാപ്പിള്ളി എച്ചിപ്പാറ ചക്കുങ്ങൽ ഖാദറിന്റെ പശുവിനെയാണ് വെടിവച്ച് കൊന്നത്. ഇന്ന് രാവിലെയാണ് സംഭവം. 

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

പേ വിഷബാധയുടെ ലക്ഷ‌ണങ്ങൾ പ്രകടിപ്പിച്ച പശു അക്രമസക്തമായതോടെ വെറ്റിനറി, വനം വകുപ്പ് അധികൃതർ വെടിവച്ചു കൊല്ലാൻ തീരുമാനിക്കുകയായിരുന്നു. പശുവിന് പേവിഷ ബാധയേറ്റതായി വെറ്റിനറി ഡോക്ടർ സർട്ടിഫിക്കറ്റ് നൽകിയതോടെ വെടിവയ്ക്കാൻ ലൈസൻസുളള വടക്കൊട്ടായി സ്വദേശി ആന്റണിയെ പശുവിനെ കൊല്ലാൻ ചുമതലപ്പെടുത്തി.

വരന്തരപ്പിളളി എസ് ഐ എ വി ലാലു, വെറ്റിനറി സർജൻ ഡോ റോഷ്മ, ചിമ്മിനി റേഞ്ച് ഓഫിസർ അജയകുമാർ എന്നിവരുടെ നേതൃത്വത്തിലാണ് പശുവിനെ വെടിവച്ചത്. വെടിയേറ്റ് ചത്ത പശുവിനെ വെറ്റിനറി വകുപ്പിന്റെ നിർദേശ പ്രകാരം കുഴിച്ചിട്ടു. കഴിച്ച പുല്ലിലൂടെ പശുവിന്റെ ദേഹത്ത് പേ വിഷബാധയേറ്റുവെന്നാണ് നി​ഗമനം.