ഹജ്ജിന് നറുക്കെടുക്കുന്ന രീതി സൗദി അറേബ്യ ഒഴിവാക്കുന്നു

ഹജ്ജിന് തീർത്ഥാടകരെ തിരഞ്ഞെടുക്കാൻ നറുക്കെടുക്കുന്ന രീതി അവസാനിപ്പിക്കുകയാണെന്ന് സൗദി അറേബ്യ. 2023ലെ ഹജ്ജിനുള്ള ആഭ്യന്തര തീർഥാടകരെ തിരഞ്ഞെടുക്കുന്നതിനാണ് നറുക്കെടുപ്പ് ഒഴിവാക്കി പുതിയ പേമെന്റ് സംവിധാനം ഏർപ്പെടുത്തുക. ​ഹജ്ജ്, ഉംറ മന്ത്രാലയമാണ് ഇതുസംബന്ധിച്ച അറിയിപ്പ് പുറത്തുവിട്ടത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

അതേസമയം 65 വയസ്സിനു മുകളിലുള്ളവർക്ക് 25 ശതമാനം സംവരണം ഉണ്ടാവും. പുതിയ സംവിധാന പ്രകാരം തീർഥാടകർക്ക് രണ്ടുതവണയായി പണം അടയ്ക്കാൻ അവസരം ലഭിക്കും. ഈ വർഷം രാജ്യത്തിനകത്തും പുറത്തുമായി പത്തുലക്ഷത്തിലേറെ തീർഥാടകരാണ് ഹജ്ജ് നിർവഹിച്ചത്. 

കോവിഡ് വ്യാപനത്തെ തുടർന്ന് 2020ൽ ആകെ 1000 പേർക്കായിരുന്നു ഹജ്ജ് നിർവഹിക്കാൻ അവസരം നൽകിയത്. 2021ൽ ഇത് അറുപതിനായിരമായി ഉയർത്തുകയും വാക്സിനേഷൻ സ്വീകരിച്ച അറുപതിനായിരം പേരെ നറുക്കെടുപ്പിലൂടെ  ഹജ്ജിന് തിരഞ്ഞെടുക്കുകയും ചെയ്തിരുന്നു.