നടിക്കുനേരെ ലൈംഗിക അതിക്രമം; സ്വകാര്യ വീഡിയോകള്‍ പരസ്യപ്പെടുത്തുമെന്ന് ഭീഷണി; സീരിയല്‍ നടന്‍ അറസ്റ്റില്‍

നടിക്കുനേരെ ലൈംഗികാതിക്രമം നടത്തിയ പ്രശസ്ത കന്നഡ സീരിയല്‍ നടന്‍ ചരിത് ബാലപ്പ അറസ്റ്റില്‍. (Sexual assault on actress; Threat to make private videos public; Serial actor arrested)  കഴിഞ്ഞ വര്‍ഷമാണ് കേസിനാസ്പദമായ കുറ്റകൃത്യങ്ങള്‍ നടന്നത്. വെള്ളിയാഴ്ച രാജരാജേശ്വരി നഗര്‍ പോലീസാണ് 29 കാരിയായ നടിയുടെ പരാതിയില്‍ ചരിതിനെ അറസ്റ്റ് ചെയ്തത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

നടിക്കുനേരെ ലൈംഗികാതിക്രമം നടത്തുകയും സ്വകാര്യ വീഡിയോ കാണിച്ച് ഭീഷണിപ്പെടുത്തുകയും ചെയ്തുവെന്നാണ് കേസ്. ഈ മാസം 13-നാണ് യുവനടി പരാതി നല്‍കിയതെന്ന് ഡി.സി.പി (വെസ്റ്റ്) എസ്. ഗിരീഷ് പറഞ്ഞു.

‘പ്രതിയും കൂട്ടാളികളും ചേര്‍ന്ന് പരാതിക്കാരിയായ നടിയുടെ വസതിക്ക് സമീപം നിരന്തരം ശല്യമുണ്ടാക്കുകയും താനുമായി ശാരീരിക ബന്ധത്തില്‍ ഏര്‍പ്പെടാനും സമ്മര്‍ദ്ദം ചെലുത്തുകയും ചെയ്തിരുന്നു. തന്റെ സാമ്പത്തിക ആവശ്യങ്ങള്‍ നിറവേറ്റിയില്ലെങ്കില്‍ എല്ലാ സോഷ്യല്‍ മീഡിയ പ്ലാറ്റ്‌ഫോമുകളിലും നടന്മാരും നടിമാരും ഉള്‍പ്പെടുന്ന വാട്ട്‌സ്ആപ്പ് ഗ്രൂപ്പുകളിലും പരാതിക്കാരിയുടെ അശ്ലീല വീഡിയോകളും ഫോട്ടോകളും പങ്കുവെക്കുമെന്നും പ്രതി ഭീഷണിപ്പെടുത്തി. ഈ ആരോപണങ്ങളുടെയും അതുമായി ബന്ധപ്പെട്ട ഭീഷണിയുടെയും അടിസ്ഥാനത്തിലാണ് പ്രതികള്‍ക്കെതിരെ കേസെടുത്തത്’ ഡി.സി.പി ഗിരീഷ് പറഞ്ഞു.

2023-ലാണ് ചരിത് ബാലപ്പയുമായി നടി പരിചയപ്പെട്ടത്. തുടര്‍ന്ന് നടിയോട് പ്രണയാഭ്യര്‍ത്ഥന നടത്തി. ഇതിന് വഴങ്ങാത്തതിനെ തുടര്‍ന്ന് മാനസികമായി പീഡിപ്പിക്കുകയും വധഭീഷണി മുഴക്കുകയും ചെയ്തുവെന്നും പോലീസ് പറഞ്ഞു.

ഒറ്റയ്ക്കാണ് താമസിക്കുന്നത് എന്ന് മനസ്സിലാക്കിയാണ് പ്രതി പരാതിക്കാരിയോട് ശാരീരിക ബന്ധത്തിന് ആവശ്യപ്പെട്ടതെന്ന് ഡി.സി.പി പറഞ്ഞു. ഇംഗിതത്തിന് വഴിങ്ങിയില്ലെങ്കില്‍ തന്നെ അപകീര്‍ത്തിപ്പെടുത്തുമെന്ന് ഇയാള്‍ ബ്ലാക്ക് മെയില്‍ ചെയ്തതായി നടി പോലീസിനോട് പറഞ്ഞു.