15
Sep 2023
Fri
വാഷിംഗ് മെഷീനില് എല്ലാ കുത്തിനിറച്ചിടരുത്; ഇക്കാര്യങ്ങള് ശ്രദ്ധിക്കണേ
 |
|
ചിലരുണ്ട് എല്ലാ വസ്ത്രങ്ങളും വാഷിംഗ് മെഷീനില് ഇടുന്നവര്. കളി കഴിഞ്ഞശേഷം അല്ലെങ്കില് വാക്കിങ്ങിന് ശേഷം മുഷിഞ്ഞ ബൂട്ടും മാറ്റും ഉള്പ്പെടെ മെഷീനില് അലക്കും. എന്നാല് ഇങ്ങനെ എല്ലാം ഇതിലിട്ട് അലക്കാവോ? ഇല്ല. അതിന് ചില ടിപ്സുകളൊക്കെയുണ്ട്.
▶️ വസ്ത്രങ്ങള് അലക്കുന്നതിനു മുമ്പ് അവയെ വേര്തിരിച്ചെടുക്കണം. കൂടുതല് മുഷിഞ്ഞത്, കുറച്ചു മുഷിഞ്ഞത്, വെറും വാഷ് മാത്രം വേണ്ടത് ഇങ്ങനെ മാറ്റി വയ്ക്കൂ. അതില് തന്നെ തുണിയുടെ മെറ്റീരിയല് അനുസരിച്ചും വേര്തിരിക്കുക.
▶️ മെഷീനില് വസ്ത്രങ്ങള് ഇടുന്നതിനും ഒരു രീതിയുണ്ട്. ആദ്യം വലുപ്പം കൂടിയ വസ്ത്രം, അതിനു ശേഷം അതിലും ചെറുത് ഇങ്ങനെ ഇടുക. ചുളിവുകള് നന്നായി കുടഞ്ഞു വിടര്ത്തി വേണം ഇടാന്.
▶️ പുതിയ വസ്ത്രം ഇടുന്നതിനു മുമ്പ് അതിന്റെ നിറം ഇളക്കുന്നതാണോ എന്ന് പരിശോധിച്ച ശേഷം മാത്രം അലക്കുക.
▶️ ഡിറ്റര്ജന്റ് ഉപയോഗിക്കുമ്പോഴും വേണം ശ്രദ്ധ. കോട്ടണ്, സില്ക്ക് വസ്ത്രങ്ങള് കഴുകുമ്പോള് കുറച്ച അളവ് ഡിറ്റര്ജന്റ് മതി. കൂടിയാല് വസ്ത്രങ്ങളുടെ ഗുണമേന്മ നഷ്ടമാകും.
▶️ ഓരോ മെഷീനും നിശ്ചിത അളവ് ഡിറ്റര്ജന്റ് വേണം ഉപയോഗിക്കാന്. അതില് പറഞ്ഞിരിക്കുന്ന അളവില് മാത്രം ഇടുക.
▶️ ചില മെഷീന് ബുക്ക് ലെറ്റുകളില് ഇങ്ങനെ എഴുതിയിട്ടുണ്ടാകും. സാധാരണ വാഷിംഗ് പൗഡറിനൊപ്പം പകുതി അളവില് വാഷിംഗ് മെഷീനു വേണ്ടിയുള്ള പ്രത്യേക ഡിറ്റര്ജന്റ് ഉപയോഗിക്കുക എന്ന്. ഡിറ്റര്ജന്റ് കൂടി ഉപയോഗിച്ചാല് മാത്രമേ വസ്ത്രം കൂടുതല് വൃത്തിയാകൂ.
▶️ ഡിറ്റര്ജന്റ് തെരഞ്ഞെടുക്കുമ്പോഴും ശ്രദ്ധിക്കാം. പൗഡര് വേണോ ലിക്വിഡ് വേണോ എന്നാണ് തീരുമാനിക്കേണ്ടത്. ലിക്വിഡ് ഡിറ്റര്ജന്റിന് വില കൂടും. പൗഡര് ആണ് ഉപയോഗിക്കുന്നതെങ്കില് തണുത്ത വെള്ളത്തില് അലിയാന് സമയം എടുക്കും. വില കൂടിയ വസ്ത്രങ്ങള്ക്ക് ലിക്വിഡ് ഡിറ്റര്ജന്റ് ഉപയോഗിക്കുന്നതാണ് ഉത്തമം.
▶️ ഫാബ്രിക്ക് അനുസരിച്ച് വേണം ഡിറ്റര്ജന്റ് തെരഞ്ഞെടുക്കാന് സില്ക്ക്, കോട്ടണ് ഇവയ്ക്ക് ലിക്വിഡ് ഡിറ്റര്ജന്റ് ആണ് നല്ലത്.
▶️ കുട്ടികളുടെ വസ്ത്രം അലക്കുമ്പോള് വേറെ അലക്കാം. അവയ്ക്ക് വീര്യം കുറഞ്ഞ ഡിറ്റര്ജന്റ് മതി. കുഞ്ഞുങ്ങളുടെ ചര്മ്മം വളരെ മൃദുലമാണ്.
▶️ വെളുത്ത വസ്ത്രങ്ങള് വാഷ് ചെയ്യാന് ബ്ലീച്ച് അടങ്ങിയ വാഷിംഗ് പൗഡര് ഉപയോഗിക്കാം.
▶️ സെമി ഓട്ടോമാറ്റിക് മെഷീനില് വസ്ത്രം ഇടുന്നതിനു മുമ്പ് ഡിറ്റര്ജന്റ് ഇട്ട് നന്നായി പതപ്പിച്ച ശേഷം വസ്ത്രം ഇടാവൂ. വസ്ത്രങ്ങള്ക്കു മേല് നേരിട്ട് ഡിറ്റര്ജന്റ് വീണാല് നിറം മങ്ങും.
▶️ വസ്ത്രങ്ങളില് കറയോ മറ്റോ ഉണ്ടെങ്കില് അവ ആദ്യം കൈകൊണ്ട് കഴുകിയ ശേഷം വാഷിംഗ് മെഷീനില് ഇടണം.
▶️ സെമി ഓട്ടോമാറ്റിക് മെഷീനില് വസ്ത്രം ഉണങ്ങാന് ഡ്രയര് ഓണ് ആക്കും മുമ്പ് 10 മിനിട്ട് വയ്ക്കുക. വെള്ളം കുറെ വാര്ന്നു പോയ ശേഷം ഉണക്കിയാല് കൂടുതല് ഉണങ്ങിക്കിട്ടും.
▶️ വസ്ത്രം കഴുകിയ ശേഷം വാഷിംഗ് മെഷീനിന്റെ ഡിറ്റര്ജന്റ് ബോക്സ് കൂടി വൃത്തിയാക്കുക. ബോക്സ് പുറത്തെടുക്കാവുന്ന തരം ആണെങ്കില് പുറത്തെടുത്ത് ടൂത്ത് ബ്രഷ് ഉപയോഗിച്ച് കഴുകാം.
▶️ വാഷിംഗ് മെഷീന്റെ അകത്തെ ഡ്രം കൂടി കഴുകി വൃത്തിയാക്കണം. ചെറിയ പൊടികളും മറ്റും പറ്റിപ്പിടിച്ചിരിക്കും. കീടാണുക്കളും ഉണ്ടാകും. ഓരോ മാസവും വെള്ളവും സോപ്പും ഉപയോഗിച്ച് വെറുതെ വാഷിംഗ് മെഷീന് കഴുകിക്കളയണം. ഇതിന് ചെറു ചൂടു വെള്ളം ഉപയോഗിക്കാവുന്നതാണ്.
Latest News
More Stories
All Rights Reserved © 2022