ബിജെപി ഉന്നതാധികാര സമിതിയിൽ നിന്ന് യോ​ഗി ആദിത്യനാഥും ​ഗഡ്കരിയും പുറത്ത്

ബിജെപിയുടെ ഉന്നതാധികാര സമിതിയിൽ നിന്ന് പ്രമുഖ നേതാക്കൾ പുറത്തായി. യുപി മുഖ്യമന്ത്രി യോ​ഗി ആദിത്യനാഥ്, മധ്യപ്രദേശ് മുഖ്യമന്ത്രി ശിവരാജ് ചൗഹാൻ, ​കേന്ദ്രമന്ത്രി നിതിൻ ​ഗഡ്കരി തുടങ്ങിയവരെയാണ് സമിതിയിൽ നിന്ന് പുറത്താക്കിയത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ദേവേന്ദ്ര ഫട്നാവിസ്, ബി എസ് യെദ്യൂരപ്പ എന്നിവരെ പുതുതായി സമിതിയിൽ ഉൾപ്പെടുത്തുകയും ചെയ്തു. മുഖ്യമന്ത്രിമാരെയും സംസ്ഥാന അധ്യക്ഷൻമാരെയും മറ്റ് സുപ്രധാന പദവികളിലും ആളുകളെ തിരഞ്ഞെടുക്കുന്നതിനുള്ള അധികാരം ഈ സമിതിക്കാണ്.

നിതിൻ ​ഗഡ്കരിയെയും യോ​ഗി ആദിത്യനാഥിനെയും സമിതിയിൽ നിന്നു പുറത്താക്കിയത് പാർട്ടി പ്രവർത്തകരെ അമ്പരിപ്പിച്ചിട്ടുണ്ട്. മുതിർന്ന മന്ത്രിയും മുൻ ബിജെപി അധ്യക്ഷനുമായ നിതിൻ ​ഗഡ്കരിയെ മുൻ പാർട്ടി അധ്യക്ഷൻമാരെ സമിതിയിൽ നിലനിർത്തുകയെന്ന കീഴ്വഴക്കം ലംഘിച്ചാണ് പുറത്താക്കിയത്.