കുവൈത്ത് ഒറ്റയടിക്ക് നാടുകടത്തിയത് 329 പ്രവാസികളെ; സ്പോൺസർമാർക്ക് പിഴയും

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

കുവൈത്ത് സിറ്റി: നിയമവിരുദ്ധ താമസക്കാർക്ക് എതിരെ നടപടി കടുപ്പിച്ചു കുവൈത്ത്. ഇതിൻ്റെ ഭാഗമായി ഒറ്റ ദിവസം 329 പ്രവാസികളെയാണ് കുവൈത്ത് പോലിസ് നാടുകടത്തിയത്.
കഴിഞ്ഞ ഞായറാഴ്ച ആഭ്യന്തര മന്ത്രാലയം വിവിധ രാജ്യങ്ങളിൽ നിന്നുള്ള 173 സ്ത്രീകളെയും 156 പുരുഷ പ്രവാസികളെയും നാടുകടത്തിതായി അധികൃതർ അറിയിച്ചു. അവരിൽ ചിലരെ രാജ്യത്ത് താമസിച്ചതിനും മറ്റുള്ളവരെ നിയമവിരുദ്ധ പ്രവർത്തനങ്ങളിൽ ഏർപ്പെട്ടതിനുമാണ് നാടുകടത്തിയത്. റെസിഡൻസി നിയമം ലംഘിച്ചതിന് അറസ്റ്റിലായവരെ നാടുകടത്തൽ വകുപ്പിലേക്ക് കൊണ്ടുപോയതായും മയക്കുമരുന്ന് അല്ലെങ്കിൽ മദ്യം കൈവശം വച്ചതിന് പിടിക്കപ്പെട്ട മറ്റുള്ളവരെ ഡ്രഗ്സ് കൺട്രോൾ ഡയറക്ടറേറ്റ് ജനറലിന് അയച്ചതായും അൽ-അൻബ ദിനപത്രം റിപ്പോർട്ട് ചെയ്യുന്നു. മാത്രമല്ല, അറസ്റ്റിലായ എല്ലാവരുടെയും ടിക്കറ്റ് എടുത്ത് നൽകാൻ സ്പോൺസർമാരെയാണ് ആഭ്യന്തര മന്ത്രാലയം ചുമതലപ്പെടുത്തിയത്. സ്പോൺസർമാർ ടിക്കറ്റ് നൽകുന്നതിൽ പരാജയപ്പെട്ടാൽ, ആഭ്യന്തര മന്ത്രാലയം അവരെയും നാടുകടത്തൽ നടപടികളുമായി മുന്നോട്ട് പോകുകയും ടിക്കറ്റ് ചെലവുകൾ വഹിക്കുന്നതുവരെ സ്പോൺസറുടെ ഫയൽ തടയുകയും ചെയ്യും.

329 expatriates deported in a single day