5ജി സേവനം ഒരുമാസത്തിനുള്ളിൽ ലഭ്യമാവുമെന്ന് കേന്ദ്രം

5ജി സേവനം ഒരുമാസത്തിനുള്ളിൽ രാജ്യത്ത് ലഭ്യമാകുമെന്ന് കേന്ദ്രസർക്കാർ. രാജ്യത്തെ 6 ലക്ഷം ​ഗ്രാമങ്ങളിലും ഒപ്ടിക്കൽ ഫൈബർ കേബിൾ വലിക്കുന്നതിനുള്ള നടപടികൾ, എല്ലാ ​ഗ്രാമങ്ങളിലും 4ജി സൗകര്യം എത്തിക്കൽ തുടങ്ങിയ വെല്ലുവിളികൾ പരി​ഹരിച്ചുവരികയാണെന്ന് കേന്ദ്രമന്ത്രി ദേവുസിൻഹ് ചൗഹാൻ പറഞ്ഞു.ഒരുമാസത്തിനകം രാജ്യവ്യാപകമായി 5ജി അവതരിപ്പിക്കും. വിവിധ മേഖലകളിലെ വികസനത്തിന് ഇതു ​ഗുണം ചെയ്യുമെന്നും അദ്ദേഹം പറഞ്ഞു. 

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

6ജി സാങ്കേതികവിദ്യാ വിഭാ​ഗത്തിനും രൂപം നൽകിയിട്ടുണ്ട്. 6ജി സംബന്ധമായ പ്രവർത്തനങ്ങൾ ഇവർ ആരംഭിച്ചുകഴിഞ്ഞതായും മന്ത്രി വ്യക്തമാക്കി. തദ്ദേശിയമായ 5ജി  ടെലികോം സാങ്കേതികവിദ്യയാണ് ഇന്ത്യ ഉപയോ​ഗിക്കുന്നതെന്നും മന്ത്രി പറഞ്ഞു. ഈവർഷം അവസാനത്തോടെ രാജ്യത്തിന്റെ ​ഗ്രാമീണ മേഖലയിലും 5ജി ലഭ്യമാക്കുമെന്നും അദ്ദേഹം കൂട്ടിച്ചേർത്തു. 

രാജ്യത്തെ 175000 ​​ഗ്രാമങ്ങളിൽ ഇതിനകം ഒപ്ടിക്കൽ ഫൈബർ എത്തിച്ചു. 5,60,000 ​ഗ്രാമങ്ങളിൽ 4ജി ലഭ്യമാക്കി. 2025ഓടെ ആറുലക്ഷം​ ​ഗ്രാമങ്ങളിലും ഒപ്റ്റിക്കൽ ഫൈബർ എത്തിക്കുകയാണ് സർക്കാർ ലക്ഷ്യമിടുന്നതെന്നും മന്ത്രി പറഞ്ഞു. 

News Tag Live യുട്യൂബ് ചാനല്‍ Subscribe ചെയ്യുക