കാറില്‍ എസി ഓണാക്കി വിശ്രമിച്ച യുവാവ് മരിച്ച നിലയില്‍

ആലപ്പുഴയില്‍ ഉച്ചച്ചൂടില്‍ നിന്ന് രക്ഷതേടി വീട്ടുമുറ്റത്തു നിര്‍ത്തിയ കാറില്‍ എസി ഓണാക്കി വിശ്രമിച്ച യുവാവിനെ മരിച്ച നിലയില്‍ കണ്ടെത്തി. കരുവാറ്റ ഊട്ടുപറമ്പ് പുത്തന്‍ നികത്തില്‍ മണിയന്‍-ആയിഷ ബീവി ദമ്പതികളുടെ മകന്‍ അനീഷ് (37) ആണ് മരിച്ചത്. വെള്ളിയാഴ്ച ഉച്ചയ്ക്ക് രണ്ടോടെയായിരുന്നു സംഭവം.(man found dead inside car)

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഭക്ഷണം കഴിക്കാനായി വിളിക്കാന്‍ ഭാര്യ ദേവിക കാറിനു സമീപമെത്തിയപ്പോഴാണ് അനീഷിനെ ചലനമറ്റ നിലയില്‍ കണ്ടത്. ഉടന്‍തന്നെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല. മൃതദേഹം ഹരിപ്പാട് താലൂക്ക് ആശുപത്രി മോര്‍ച്ചറിയില്‍. പോസ്റ്റ്‌മോര്‍ട്ടത്തിനു ശേഷം മൃതദേഹം ശനിയാഴ്ച ബന്ധുക്കള്‍ക്കു വിട്ടുനല്‍കും. മകന്‍: ശിവദത്ത്. സഹോദരന്‍ അജീഷ്. സഹോദരി : സോഫിയ