ഇരിട്ടിയിൽ രണ്ട് കോളജ് വിദ്യാർഥിനികളെ പുഴയിൽ കാണാതായി

കണ്ണൂർ ഇരിട്ടിയിൽ സുഹൃത്തിന്റെ വീട്ടിലെത്തിയ രണ്ട് കോളജ് വിദ്യാർഥിനികളെ പുഴയിൽ കാണാതായി. അഞ്ചരക്കണ്ടി സ്വദേശികളായ ഷഹർബാന, സൂര്യ എന്നിവരെയാണ് കാണാതായത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഇരിട്ടിക്കടുത്ത് പടിയൂർ പൂവം കടവിൽ കാഴ്ച കാണാനെത്തിയതായിരുന്നു ഇരിക്കൂർ കല്യാട് സിബ്​ഗ കോളജിലെ വിദ്യാർഥിനികളായ ഇരുവരും. ഇതിനിടെ ഒരാൾ കാൽതെറ്റി വെള്ളത്തിൽ വീണു. രക്ഷിക്കാൻ ശ്രമിക്കുന്നതിനിടെ രണ്ടാമത്തെയാളും ഒഴുക്കിൽപെടുകയായിരുന്നു.

ചൊവ്വ വൈകീട്ട് അഞ്ചോടെയാണ് സംഭവം. ഫയർഫോഴ്സും നാട്ടുകാരും ചേർന്ന് പുഴയിൽ തിരച്ചിൽ നടത്തിയെങ്കിലും ഇരുവരെയും കണ്ടെത്താനായില്ല. വിവാഹമുറപ്പിച്ച സുഹൃത്തിന്റെ വീട്ടിൽ വന്നതായിരുന്നു ഇരുവരും.