പാളംമുറിച്ചുകടക്കുന്നതിനിടെ പ്ലസ് വണ്‍ വിദ്യാര്‍ഥിനി ട്രെയിനിടിച്ചുമരിച്ചു

പ്ലാറ്റ്‌ഫോമില്‍ കയറുന്നതിനായി പാളംമുറിച്ചുകടക്കുന്നതിനിടെ പ്ലസ് വണ്‍ വിദ്യാര്‍ഥിനി ട്രെയിനിടിച്ചുമരിച്ചു. കൊല്ലം മയ്യനാട് റെയില്‍വേ സ്‌റ്റേഷനില്‍ വച്ചാണ് സംഭവം. ചാത്തന്നൂര്‍ കോയിപ്പാട് വിളയില്‍ വീട്ടില്‍ അജി-ലീല ദമ്പതികളുടെ മകള്‍ എ ദേവനന്ദ(17)യാണ് മരിച്ചത്. മയ്യനാട് ഹയര്‍സെക്കന്‍ഡറി സ്‌കൂള്‍ വിദ്യാര്‍ഥിനിയായ ദേവനന്ദ സ്‌കൂള്‍ വിട്ട ശേഷം കൂട്ടുകാര്‍ക്കൊപ്പം വൈകീട്ട് വീട്ടിലേക്ക് മടങ്ങുന്നതിന് റെയില്‍വേ സ്റ്റേഷനില്‍ എത്തിയപ്പോഴായിരുന്നു അപകടം.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഒന്നാം പ്ലാറ്റ് ഫോമില്‍ നിര്‍ത്തിയിട്ടിരുന്ന നാഗര്‍കോവില്‍-കോട്ടയം പാസഞ്ചര്‍ ട്രെയിന്‍ എന്‍ജിനു മുന്നിലൂടെ സഹപാഠിക്കൊപ്പം രണ്ടാം പ്ലാറ്റ്‌ഫോമിലേക്ക് കയറാന്‍ ശ്രമിക്കുമ്പോഴായിരുന്നു പെണ്‍കുട്ടിയെ ഈ സമയമെത്തിയ നേത്രാവതി എക്‌സ്പ്രസ് ഇടിച്ചത്. ഒരാളെ പ്ലാറ്റ്‌ഫോമില്‍ നിന്നവര്‍ പലിച്ചുകയറ്റിയെങ്കിലും ദേവനന്ദയെ രക്ഷിക്കാനായില്ല.മൃതദേഹം പാരിപ്പള്ളി മെഡിക്കല്‍ കോളജ് മോര്‍ച്ചറിയിലേക്ക് മാറ്റി. കുട്ടിയുടെ അമ്മ വിദേശത്താണ്. സഹോദരി: ദേവപ്രിയ.