26
Nov 2024
Thu
തിരുവനന്തപുരം: കേരളത്തില് ഇനിയുള്ള അഞ്ചുദിവസം ഇടിമിന്നലോടു കൂടിയ നേരിയ / ഇടത്തരം മഴയ്ക്ക് സാധ്യത. മഴയും ഇടിമിന്നലും ഉണ്ടാകുമെങ്കിലും ഇന്ന് ഒരു ജില്ലകളിലും യെല്ലോ അലര്ട്ടില്ല. ഒറ്റപ്പെട്ട സ്ഥലങ്ങളില് നവംബര് 30 മുതല് ഡിസംബര് 01 വരെയുള്ള തീയതികളില് ശക്തമായ മഴയ്ക്ക് സാധ്യതയെന്നും കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി. അതേസമയം, നവംബര് 30, ഡിസംബര് ഒന്ന്ദിവസങ്ങളില് യെല്ലോ അലര്ട്ട് പുറപ്പെടുവിച്ചിട്ടുണ്ട്.
 |
|
30/11/2024 : പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി
01/12/2024 : പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂര്, പാലക്കാട്
എന്നീ ജില്ലകളിലാണ് മഞ്ഞ അലര്ട്ട് പ്രഖ്യാപിച്ചത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് ഇവിടെയെല്ലാം പ്രവചിക്കപ്പെട്ടത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യമാണ് ശക്തമായ മഴ.
മത്സ്യത്തൊഴിലാളികള് ശ്രദ്ധിക്കുക
കേരള തീരത്ത് നാളെ (നവംബര് 29) വരെ മത്സ്യബന്ധനത്തിന് പോകാന് പാടില്ലെന്നും കര്ണാടക, ലക്ഷദ്വീപ് തീരങ്ങളില് മത്സ്യബന്ധനത്തിന് തടസ്സമില്ലെന്നും കോലാവസ്ഥാ വകുപ്പിന്റെ അറിയിപ്പില് പറയുന്നു.
തെക്കു പടിഞ്ഞാറന് ബംഗാള് ഉള്ക്കടലിനു മുകളിലെ അതിതീവ്രന്യുനമര്ദ്ദം അടുത്ത 12 മണിക്കൂറിനുള്ളില് ചുഴലിക്കാറ്റായി മാറി ശ്രീലങ്ക തീരം തൊട്ട് തമിഴ്നാട് തീരത്തേക്ക് നീങ്ങാന് സാധ്യത നിലനില്ക്കുന്നു. അതിനാല് ആ ഭാഗങ്ങളിലേക്ക് മത്സ്യബന്ധനത്തിന് പോകാന് പാടില്ല.
Kerala Rain Updates: Thunderstorms and light rain for 5 days
Latest News
Trending
More Stories
All Rights Reserved © 2022