Flight Charge | വമ്പന്‍ ഡിസ്കൗണ്ട് പ്രഖ്യാപിച്ച് ഇന്‍ഡിഗോ; 1,199 രൂപ മുതൽ ടിക്കറ്റ്

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ന്യൂഡല്‍ഹി: ന്യൂ ഇയർ, ക്രിസ്മസ് ആഘോഷങ്ങളോട് അനുബന്ധിച്ച് വമ്പന്‍ ഡിസ്കൗണ്ട് പ്രഖ്യാപിച്ച് ഇന്‍ഡിഗോ എയര്‍ലൈന്‍സ്. ആഭ്യന്തര, അന്താരാഷ്ട്ര റൂട്ടുകളിലെ ടിക്കറ്റ് നിരക്കുകളില്‍ ആണ് ഓഫര്‍ പ്രഖ്യാപിച്ചത്.

ഈ ഓഫർ പരിമിത സമയത്തേക്ക് മാത്രമാണ്. ഇന്ന് രാത്രി വരെയാണ് ഓഫര്‍ കാലാവധി. ഇക്കാലയളവിനുള്ളില്‍ ടിക്കറ്റ് ബുക്ക് ചെയ്താലാണ് ടിക്കറ്റ് നിരക്കില്‍ ഇളവ് ലഭിക്കുക. 2025 ജനുവരി 23നും ഏപ്രില്‍ 30നും ഇടയിലുള്ള തീയതികളിലേക്കുള്ള യാത്രയ്ക്ക് മാത്രമേ ഡിസ്കൗണ്ട് ലഭിക്കൂ.

അഭ്യന്തരയാത്രക്കാര്‍ക്ക് 1,199 രൂപ മുതലും അന്താരാഷ്ട്ര യാത്രക്കാര്‍ക്ക് 4,499 രൂപ മുതലുമാണ് ടിക്കറ്റ് ലഭിക്കുക. ടിക്കറ്റ് ഡിസ്കൗണ്ട് കൂടാതെ മറ്റ് ഓഫറുകളും ലഭ്യമാണ്.

പ്രീപെയ്ഡ് അധിക ബാഗേജ് ഓപ്ഷനുകൾ (15കിലോ, 20കിലോ, 30കിലോ), സ്റ്റാൻഡേർഡ് സീറ്റ് സെലക്ഷൻ, എമർജൻസി XL സീറ്റുകൾ എന്നിവ ഉൾപ്പെടെ തെരഞ്ഞെടുത്ത 6E ആഡ്-ഓണുകളിൽ ഇൻഡിഗോ 15% വരെ സേവിംഗ്സും ഓഫര്‍ ചെയ്യുന്നത്.

ഇവ ആഭ്യന്തരയാത്രക്കാര്‍ക്ക് 599 രൂപ മുതലും അന്താരാഷ്ട്ര യാത്രക്കാര്‍ക്ക് 699 രൂപ മുതലും ലഭ്യമാണ്.

ഫെഡറല്‍ ബാങ്കുമായി സഹകരിച്ച് മറ്റൊരു ഓഫറും ഇന്‍ഡിഗോ പ്രഖ്യാപിച്ചു. ഫെഡറല്‍ ബാങ്ക് ക്രെഡിറ്റ് കാര്‍ഡുകള്‍ ഉപയോഗിച്ച് ടിക്കറ്റ് ബുക്ക് ചെയ്യുന്നവര്‍ക്കാണ് ഈ ഇളവ് ലഭിക്കുക. ആഭ്യന്തരയാത്രയ്ക്ക് 15 , രാജ്യാന്തര യാത്രയ്ക്ക് 10 ടിക്കറ്റ് നിരക്ക് ഇളവ് ലഭിക്കും. ഡിസംബര്‍ 31 വരെ ടിക്കറ്റ് ബുക്ക് ചെയ്യുന്നവര്‍ക്കാണ് ഈ ഓഫര്‍ ബാധകമായിരിക്കുക.