അബുദാബിയിലെ ഈ സ്ട്രീറ്റിൻ്റെ പേര് മാറ്റി; ഇനി പുതിയ പേരിൽ അറിയപ്പെടും

l

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ദുബായ്: അബുദാബിയിലെ പ്രധാന റോഡായ അൽ നഖ്‌വാ സ്ട്രീറ്റിൻ്റെ പേര് മാറ്റി. (Abu Dhabi changes name of Al Asayil Street to Al Nakhwah Street). 2022 ൽ എമിറേറ്റിനെ പിടിച്ചുകുലുക്കിയ ഹൂതി ഡ്രോൺ ആക്രമണത്തിന്റെ മൂന്നാം വാർഷികം ആചരിക്കുന്നത്തിൻ്റെ ഭാഗമായി ആണ് നടപടി. അബുദാബിയിലെ ഖലീഫ സിറ്റിയിലെ ഒരു പ്രധാന റോഡായ അൽ അസായിൽ സ്ട്രീറ്റിനെ അൽ നഖ്‌വാ സ്ട്രീറ്റ് എന്ന് പുനർനാമകരണം ചെയ്തതായി അധികൃതർ പ്രഖ്യാപിച്ചു.

‘അൽ നഖ്‌വാ’ എന്ന അറബി പദത്തിന് ധീരത എന്നൂൽപ്പെടെ നിരവധി അർത്ഥങ്ങളുണ്ട്. മറ്റുള്ളവരെ സഹായിക്കാനുള്ള മനസ്സും ബുദ്ധിമുട്ടുകൾ സഹിക്കാനുള്ള കഴിവ് എന്നും അർത്ഥമുണ്ട്. ഹൂതി ആക്രമണത്തോട് യുഎഇ എങ്ങനെ പ്രതികരിച്ചുവെന്നാണ് ഇത് കൊണ്ട് എമിരേറ്റ്സ് ഭരണകൂടം അർത്ഥമാക്കുന്നത്.

2022 ജനുവരി 17 ന്, ഹൂതി വിമതർ അബുദാബിയിലെ മുസഫ പ്രദേശം ആക്രമിച്ചപ്പോൾ യുഎഇ അതിൻ്റെ ധീരത – അതോടൊപ്പം ശക്തി, പ്രതിരോധശേഷി, ഐക്യദാർഢ്യം – ലോകത്തിന് കാണിച്ചുകൊടുത്തുവെന്നു അധികൃതർ അറിയിച്ചു.

ആക്രമണത്തിൽ അബുദാബി അന്താരാഷ്ട്ര വിമാനത്താവളത്തിന്റെ (ഇപ്പോൾ സായിദ് അന്താരാഷ്ട്ര വിമാനത്താവളം) നിർമ്മാണ മേഖലയിൽ മൂന്ന് ഇന്ധന ടാങ്കുകൾ പൊട്ടിത്തെറിച്ച് തീപിടുത്തം ഉണ്ടായി. മൂന്ന് പേർ മരിക്കുകയും ആറ് പേർക്ക് പരിക്കേൽക്കുകയും ചെയ്തു. മുനിസിപ്പാലിറ്റികളുടെയും ഗതാഗത വകുപ്പിൻ്റെയും (DMT) കണക്കനുസരിച്ച്, അടുത്തിടെ പുനർനാമകരണം ചെയ്ത അൽ നഖ്‌വാ സ്ട്രീറ്റ് തലസ്ഥാനത്തെ ഖലീഫ നഗരത്തിലെ ഏറ്റവും പ്രധാനപ്പെട്ട സ്ട്രീറ്റുകളിൽ ഒന്നാണ്. അൽ ഫുർസാൻ സ്ട്രീറ്റിൽ നിന്ന് അൽ ബന്ദർ സ്ട്രീറ്റിലേക്ക് നീളുന്ന 6 കിലോമീറ്റർ റോഡാണിത്, തെയാബ് ബിൻ ഈസ സ്ട്രീറ്റ് ഉൾപ്പെടെയുള്ള പ്രദേശത്തെ പ്രധാന റോഡുകളുമായി വിഭജിക്കുന്നു.

Al Nakhwah Street in Abu Dhabi
Abu Dhabi changes name of Al Asayil Street to Al Nakhwah Street
Abu Dhabi authorities have announced the change of name for a major road in the city.