21
Feb 2026
Fri
സംസ്ഥാനത്ത് വരും ദിവസങ്ങളില് മഴ ശക്തമാകുമെന്ന് കേന്ദ്ര കാലാവസ്ഥാ വകുപ്പ്. അഞ്ച് ജില്ലകളില് യെല്ലോ അലേര്ട്ട് പ്രഖ്യാപിച്ചു. ഇന്ത്യന് മഹാസമുദ്രത്തിനും അതിനോട് ചേര്ന്ന തെക്ക് പടിഞ്ഞാറന് ബംഗാള് ഉള്ക്കടലിനും മുകളില് ന്യൂനമര്ദ്ദം രൂപപ്പെട്ടിട്ടുണ്ട്. ഇത് പടിഞ്ഞാറ് – വടക്കു പടിഞ്ഞാറ് ദിശയിലേക്ക് നീങ്ങി ശ്രീലങ്ക ഭാഗത്തേക്ക് സഞ്ചരിച്ച് അടുത്ത 24 മണിക്കൂറിനുള്ളില് ദുര്ബലമാകാനാണ് സാധ്യത.
 |
|
ഇന്ത്യന് മഹാസമുദ്രത്തിനും അതിനോട് ചേര്ന്ന തെക്ക് കിഴക്കന് ബംഗാള് ഉള്ക്കടലിനും മുകളിലായി ചക്രവാതചുഴിയും സ്ഥിതി ചെയ്യുന്നു. അടുത്ത 24 മണിക്കൂറിനുള്ളില് ഇത് ന്യൂനമര്ദ്ദമായി ശക്തി പ്രാപിക്കാനം സാധ്യതയുണ്ട്.
ന്യൂനമര്ദ്ദത്തില് നിന്നും തെക്കന് തമിഴ്നാടിനും തെക്കന് കേരളത്തിനും കുറുകെ ലക്ഷദ്വീപ് വരെ ന്യൂനമര്ദ്ദപാത്തിയും സ്ഥിതിചെയ്യുന്നു. കേരളത്തില് ഫെബ്രുവരി 19 മുതല് 23 വരെയുള്ള തീയതികളില് നേരിയ മഴയ്ക്കും 21, 22 തീയതികളില് ഒറ്റപ്പെട്ട ശക്തമായ മഴയ്ക്കും സാധ്യതയുണ്ട്. വിവിധ ജില്ലകളില് കേന്ദ്ര കാലാവസ്ഥ വകുപ്പ് യെല്ലോ അലേര്ട്ടും പ്രഖ്യാപിച്ചു.
യെല്ലോ അലേര്ട്ട്
21 – 02 – 2026: തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി
22 – 02 – 2026: പത്തനംതിട്ട, കോട്ടയം, ഇടുക്കി
ഒറ്റപ്പെട്ടയിടങ്ങളില് 20/02/2026 (നാളെ) & 23/02/2026 തീയതികളില് ഇടിമിന്നലോടു കൂടിയ മഴയ്ക്കും, 21/02/2026 & 22/02/2026 തീയതികളില് ഇടിമിന്നലോടു കൂടിയ മഴയ്ക്കും മണിക്കൂറില് 30 മുതല് 40 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
മത്സ്യത്തൊഴിലാളി ജാഗ്രത നിര്ദേശം
ഇന്ന് ഗള്ഫ് ഓഫ് മന്നാര്, അതിനോട് ചേര്ന്ന തെക്കന് തമിഴ്നാട് തീരം , കന്യാകുമാരി പ്രദേശം , അതിനോട് ചേര്ന്ന ഭൂമധ്യരേഖ ഇന്ത്യന് മഹാസമുദ്രം , പടിഞ്ഞാറന് ശ്രീലങ്കന് തീരം , തെക്ക് കിഴക്കന് ബംഗാള് ഉള്ക്കടല് തെക്കന് ഭാഗങ്ങള് അതിനോട് ചേര്ന്ന ഭൂമധ്യരേഖ ഇന്ത്യന് മഹാസമുദ്രം തെക്കന് ആന്ഡമാന് കടല് എന്നിവിടങ്ങളില് മണിക്കൂറില് 40 – 50 കിലോമീറ്റര് വരെയും ചില അവസരങ്ങളില് മണിക്കൂറില് 60 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട് ഈ പ്രദേശങ്ങളില് മത്സ്യബന്ധനത്തിന് പോകാന് പാടില്ല.
Latest News
Trending
More Stories
All Rights Reserved © 2022