ഇറാനെതിരായ ആക്രമണത്തില്‍ പ്രതിഷേധിച്ച് വൈറ്റ് ഹൗസ് റിലീജ്യസ് ലിബര്‍ട്ടി കമ്മിഷനിലെ ഏക മുസ് ലിം രാജിവച്ചു

ഇറാനെതിരായ യുഎസിന്റെ അകാരണ ആക്രമണത്തില്‍ പ്രതിഷേധിച്ച് വൈറ്റ് ഹൗസ് റിലീജ്യസ് ലിബര്‍ട്ടി കമ്മിഷനിലെ ഏക മുസ് ലിമായ സമീറ മുന്‍ഷി രാജിവച്ചു. 2025ലാണ് ഡോണല്‍ഡ് ട്രംപ് സമീറ മുന്‍ഷിയെ വൈറ്റ് ഹൗസ് റിലീജ്യസ് ലിബര്‍ട്ടി കമ്മീഷന്‍ ഉപദേഷ്ടാവായി നിയമിച്ചത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

യുഎസിലും വിദേശങ്ങളിലും ട്രംപ് ഭരണകൂടം നടത്തുന്ന അനീതിയും അതിക്രമങ്ങളും മൂലമാണ് താന്‍ പദവിയൊഴിയുന്നതെന്ന് സമീറ മുന്‍ഷി വ്യക്തമാക്കി. ഇറാനെതിരായ യുഎസ് സര്‍ക്കാരിന്റെ അനധികൃത യുദ്ധം ഏറെ അസ്വസ്ഥയുണ്ടാക്കുന്നതാണ്. യുഎസ് ഭരണഘടനയുടെയോ അല്ലെങ്കില്‍ കോണ്‍ഗ്രഷനല്‍ അധികൃതരുടെയോ ശരിയായ അനുമതി കൂടാതെയാണ് ഇറാനെതിരേ യുഎസ് സൈനിക നീക്കം തുടങ്ങിയതെന്നും സമീറ എക്‌സില്‍ കുറിച്ചു. സാധാരണക്കാരുടെ ശബ്ദം കേള്‍ക്കാത്ത സര്‍ക്കാരില്‍ അവര്‍ക്കു വേണ്ടി സംസാരിക്കാനാണ് താന്‍ ഉപദേഷ്ടാവ് പദവി സ്വീകരിച്ചതെന്നും സമീറ മുന്‍ഷി വ്യക്തമാക്കി.

ALSO READ: കരുനാ​ഗപ്പള്ളിയിൽ ജാമ്യത്തിലിറങ്ങിയ കൊലക്കേസ് പ്രതിയെ വെട്ടിക്കൊന്നു