അമിതവേഗതയില്‍ കാറോടിച്ച് റീല്‍സെടുക്കുന്നതിനിടെ രണ്ടു യുവാക്കള്‍ അപകടത്തില്‍ മരിച്ചു

അമിതവേഗതയില്‍ കാറോടിച്ച് റീല്‍സെടുക്കുന്നതിനിടെ രണ്ടു യുവാക്കള്‍ അപകടത്തില്‍ മരിച്ചു. ഗുജറാത്തിലെ ജേത്പുറില്‍ ശനിയാഴ്ചയാണ് സംഭവം. അവധ് തിവാരി, ദേവരാജ് ഗോസായി എന്നിവരാണ് മരിച്ചത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഹ്യുണ്ടായി വെര്‍ണ കാറാണ് അപകടത്തില്‍ പെട്ടത്. 120 കിലോമീറ്റര്‍ വേഗതയില്‍ കാറോടിക്കുകയും ഈ ദൃശ്യം അവധ് തിവാരി ഇന്‍സ്റ്റഗ്രാമില്‍ പങ്കുവയ്ക്കുകയും ചെയ്തിരുന്നു. ഒരു കൈയില്‍ മൊബൈല്‍ ഫോണ്‍ പിടിച്ചായിരുന്നു അവധ് തിവാരിയുടെ കാറോടിക്കല്‍. കാറിന്റെ പിന്‍ സീറ്റിലിരുന്നയാള്‍ പകര്‍ത്തിയ വീഡിയോയിലാണ് ഈ ദൃശ്യമുള്ളത്.

നിയന്ത്രണം നഷ്ടമായ കാര്‍ ഡിവൈഡറില്‍ ഇടിച്ചുകയറുകയായിരുന്നു. അവധ് സംഭവസ്ഥലത്തുവച്ചുതന്നെ മരിച്ചു. ദേവരാജ് ഗോസായി ആശുപത്രിയില്‍ ചികില്‍സയിലിരിക്കെയാണ് മരിച്ചത്. ഇവരുടെ മറ്റൊരു സുഹൃത്തായ അക്ഷയ് പ്രവീണ്‍ഭായി വഗേല ഗുരുതരാവസ്ഥയില്‍ ചികില്‍സയിലാണ്.

ALSO READ: കരുനാ​ഗപ്പള്ളിയിൽ ജാമ്യത്തിലിറങ്ങിയ കൊലക്കേസ് പ്രതിയെ വെട്ടിക്കൊന്നു