കോഴിക്കോട് മധ്യവയസ്‌കയെ വെട്ടിക്കൊന്നു

കോഴിക്കോട് കൊയിലാണ്ടിയില്‍ മധ്യവയസ്‌ക വീട്ടിനകത്ത് കൊല്ലപ്പെട്ട നിലയില്‍ പൊയില്‍ക്കാവ് സ്വദേശി സുധ(56)യാണ് കൊല്ലപ്പെട്ടത്. ഭര്‍ത്താവാണ് കൊല നടത്തിയതെന്നാണ് സംശയം. വെട്ടിക്കൊലപ്പെടുത്തിയ രീതിയിലായിരുന്നു മൃതദേഹം.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

കുടുംബ ശ്രീ അംഗങ്ങള്‍ രാവിലെ സുധയെ വിളിക്കാനെത്തിയപ്പോഴാണ് വിവരം അറിഞ്ഞത്.

സുധയും ഭര്‍ത്താവും മാത്രമായിരുന്നു വീട്ടില്‍ താമസം.
ഭര്‍ത്താവിനെ ഇപ്പോള്‍ സ്ഥലത്ത് കാണാനില്ല. ഇയാള്‍ക്കായുള്ള അന്വേഷണം തുടരുകയാണ്.

ഭര്‍ത്താവിന് മരംമുറി ജോലിയാണ്. മദ്യപിച്ചെത്തുന്ന ഇയാള്‍ സുധയുമായി വഴക്കുണ്ടാക്കാറുണ്ടെന്ന് പരിസര വാസികള്‍ പറഞ്ഞു.