ഹണിറോസിനോടും കുടുംബത്തിനോടും പരസ്യമായി ക്ഷമചോദിച്ച് ബോബി ചെമ്മണ്ണൂര്‍

ദ്വയാര്‍ഥ പരാമര്‍ശങ്ങളില്‍ നടി ഹണി റോസിനോടും കുടുംബത്തോടും പരസ്യമായി ക്ഷമാപണം നടത്തി വ്യവസായി ബോബി ചെമ്മണ്ണൂര്‍. തന്റെ പ്രസ്താവനകള്‍ നടിക്കും കുടുംബത്തിനും വലിയ രീതിയില്‍ മാനസിക വിഷമം ഉണ്ടാക്കിയെന്ന് ബോധ്യപ്പെട്ടതായും ഇതിന്റെ ഉത്തരവാദിത്വം ഏറ്റെടുത്ത് ആത്മാര്‍ഥമായി ക്ഷമ ചോദിക്കുന്നു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

എല്ലാവരോടും സ്‌നേഹത്തോടും ബഹുമാനത്തോടും മാത്രം പെരുമാറാന്‍ ആഗ്രഹിക്കുന്ന വ്യക്തിയാണ് താനെന്നും ആരെയും മനപ്പൂര്‍വം വേദനിപ്പിക്കാന്‍ ശ്രമിച്ചിട്ടില്ലെന്നും പറഞ്ഞ ബോബി ചെമ്മണ്ണൂര്‍ ഈ സാഹചര്യത്തില്‍ തനിക്കെതിരായ നിയമനടപടികള്‍ പിന്‍വലിക്കണമെന്നു ഹണി റോസിനോട് അഭ്യര്‍ഥിച്ചു.ഇന്‍സ്റ്റഗ്രാമിലൂടെയായിരുന്നു ബോബി ചെമ്മണ്ണൂരിന്റെ മാപ്പ് പറച്ചില്‍.