06
Aug 2026
Thu
ബെല്ലാരി: കര്ണാടകയിലെ ബെല്ലാരിയില് പ്രണയബന്ധവുമായി ബന്ധപ്പെട്ട തര്ക്കത്തെ തുടര്ന്ന് യുവതി വീഡിയോ കോള് നടത്തുന്നതിനിടെ ആത്മഹത്യ ചെയ്തു. മുന് കാമുകന് സ്വകാര്യ ചിത്രങ്ങളും വീഡിയോകളും സാമൂഹ്യമാധ്യമങ്ങളിലൂടെ പ്രചരിപ്പിക്കുമെന്ന് ഭീഷണിപ്പെടുത്തിയതിനെ തുടര്ന്നാണ് യുവതി ആത്മഹത്യ ചെയ്തതെന്നാണ് കുടുംബത്തിന്റെ പരാതി.
 |
|
ബെല്ലാരിയിലെ കൗലബസാര് സ്വദേശിനിയായ ഫിര്ദോസ് എന്ന യുവതിയാണ് മരിച്ചത്. ബെംഗളൂരുവിലെ ഒരു ഐടി കമ്പനിയില് ജോലി ചെയ്തിരുന്ന യുവതി കൗലബസാര് സ്വദേശിയായ അസീം എന്ന യുവാവുമായി പ്രണയത്തിലായിരുന്നുവെന്നാണ് വിവരം. ഈ ബന്ധം ദുരുപയോഗം ചെയ്ത് അസീം യുവതിയെ ചൂഷണം ചെയ്തുവെന്നാണ് കുടുംബത്തിന്റെ ആരോപണം. പിന്നീട് അസീമിന്റെ പെരുമാറ്റത്തില് അസ്വസ്ഥയായ ഫിര്ദോസ് അദ്ദേഹത്തില്നിന്ന് അകലം പാലിക്കുകയായിരുന്നു.
അതിന് ശേഷം അസീമിന്റെ സുഹൃത്തായ സുഹൈല് എന്ന യുവാവുമായി ഫിര്ദോസ് പ്രണയത്തിലാകുകയും വിവാഹം കഴിക്കാന് തീരുമാനിക്കുകയും ചെയ്തു. ഈ വിവരം അറിഞ്ഞ അസീം, തനിക്കൊപ്പമുള്ള സ്വകാര്യ ചിത്രങ്ങളും വീഡിയോകളും സാമൂഹ്യമാധ്യമങ്ങളില് പ്രചരിപ്പിക്കുമെന്ന് ഭീഷണിപ്പെടുത്തിയതായാണ് ആരോപണം.
ഈ ഭീഷണിയില് മാനസികമായി തളര്ന്ന ഫിര്ദോസ്, സുഹൈലുമായി വീഡിയോ കോള് നടത്തുന്നതിനിടെയാണ് ആത്മഹത്യ ചെയ്തതെന്ന് പൊലീസ് പറയുന്നു. ആത്മഹത്യയ്ക്ക് ഉത്തരവാദികളായവര്ക്ക് ശിക്ഷ ലഭിക്കണമെന്ന് ആവശ്യപ്പെട്ടുകൊണ്ടാണ് യുവതി വീഡിയോ സന്ദേശം നല്കിയതെന്നും റിപ്പോര്ട്ടുകളുണ്ട്.
മകളുടെ മരണത്തില് നീതി ലഭിക്കണമെന്ന് ആവശ്യപ്പെട്ട് കുടുംബം കൗലബസാര് പൊലീസ് സ്റ്റേഷനില് പരാതി നല്കി. പരാതിയെ തുടര്ന്ന് പൊലീസ് കേസ് രജിസ്റ്റര് ചെയ്ത് അന്വേഷണം ആരംഭിച്ചു.
സംഭവത്തിന് പിന്നാലെ ആരോപണവിധേയരായ ഇരുവരും ഒളിവിലായതായി പൊലീസ് അറിയിച്ചു. ഇവരെ കണ്ടെത്തുന്നതിനുള്ള തിരച്ചില് പുരോഗമിക്കുകയാണ്.
Tags:
Karnataka News, Ballari News, Woman Suicide, Video Call Suicide, Love Triangle, Relationship Crime, Private Photos Threat, Cyber Blackmail, Harassment Case, Former Boyfriend, Ballari Police, Crime News India, IT Employee, Karnataka Crime
News Tag Live യുട്യൂബ് ചാനല് Subscribe ചെയ്യുക
Latest News
More Stories
