റിയാദില്‍ മിസൈല്‍ അവശിഷ്ടങ്ങള്‍ വീണ് നാലുപേര്‍ക്ക് പരിക്ക്; അരാംകോയുടെ ദഹ്‌റാന്‍ കെട്ടിടത്തിന് നേരെയും ആക്രമണ ശ്രമം!

റിയാദ്: സൗദി അറേബ്യന്‍ തലസ്ഥാനമായ റിയാദിന് നേരെ യെമനിലെ ഹൂത്തി ഭീകരര്‍ തൊടുത്തുവിട്ട ക്രൂയിസ് മിസൈലുകള്‍ വ്യോമപ്രതിരോധ സേന ആകാശത്തുവെച്ച് തകര്‍ത്തെങ്കിലും, അവശിഷ്ടങ്ങള്‍ (Shrapnel) പതിച്ച് ജനവാസ മേഖലയില്‍ നാശനഷ്ടം. മിസൈല്‍ ദ്രവ്യങ്ങള്‍ വീണ് രണ്ട് സ്ത്രീകള്‍ക്കും ഒരു പുരുഷനും ഒരു കുട്ടിക്കും പരിക്കേറ്റതായി സൗദി സിവില്‍ ഡിഫറന്‍സ് അറിയിച്ചു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

റിയാദിലെ വിവിധ ഭാഗങ്ങളിലായി ഏകദേശം 15-ഓളം വീടുകള്‍ക്ക് മിസൈല്‍ അവശിഷ്ടങ്ങള്‍ വീണ് ഭാഗികമായി കേടുപാടുകള്‍ സംഭവിച്ചിട്ടുണ്ട്. സുരക്ഷാ ഉദ്യോഗസ്ഥരും റെസ്‌ക്യൂ ടീമും ഉടന്‍തന്നെ സ്ഥലത്തെത്തി പരിക്കേറ്റവരെ ആശുപത്രിയിലേക്ക് മാറ്റുകയും പ്രദേശത്ത് ആവശ്യമായ മുന്‍കരുതല്‍ നടപടികള്‍ സ്വീകരിക്കുകയും ചെയ്തു.

ദഹ്‌റാനിലെ അരാംകോ കെട്ടിടത്തിന് നേരെയും ആക്രമണ ശ്രമം

തലസ്ഥാനത്തിന് പുറമെ, കിഴക്കന്‍ പ്രവിശ്യയിലെ ദഹ്‌റാനില്‍ (Dhahran) സ്ഥിതി ചെയ്യുന്ന സൗദി ഊര്‍ജ്ജ ഭീമനായ അരാംകോയുടെ (Saudi Aramco) അഡ്മിനിസ്‌ട്രേറ്റീവ് കെട്ടിടത്തിന് നേരെയും ആക്രമണമുണ്ടായതായി അധികൃതര്‍ സ്ഥിരീകരിച്ചു.

ആക്രമണത്തെ തുടര്‍ന്ന് കെട്ടിടത്തിന് ചെറിയ രീതിയില്‍ തീപിടുത്തം ഉണ്ടായെങ്കിലും, ഉടന്‍തന്നെ സ്ഥലത്തെത്തിയ ഫയര്‍ഫോഴ്‌സും സുരക്ഷാ വിഭാഗവും തീയണയ്ക്കുകയും സ്ഥിതിഗതികള്‍ പൂര്‍ണ്ണമായി നിയന്ത്രണവിധേയമാക്കുകയും ചെയ്തു. സംഭവത്തില്‍ ആര്‍ക്കും ആളപായമോ ഗുരുതര പരിക്കുകളോ റിപ്പോര്‍ട്ട് ചെയ്തിട്ടില്ലെന്ന് കമ്പനി വൃത്തങ്ങള്‍ വ്യക്തമാക്കി.

തുടര്‍ച്ചയായ ആക്രമണങ്ങളും കനത്ത പ്രതിരോധവും
പശ്ചിമേഷ്യയില്‍ വര്‍ദ്ധിച്ചുവരുന്ന സംഘര്‍ഷങ്ങളുടെ പശ്ചാത്തലത്തില്‍ സൗദി അറേബ്യയിലെ നഗരങ്ങള്‍ ലക്ഷ്യമിട്ട് ഹൂത്തികള്‍ നടത്തുന്ന മിസൈല്‍-ഡ്രോണ്‍ ആക്രമണങ്ങള്‍ക്കെതിരെ സൗദി നേതൃത്വത്തിലുള്ള സഖ്യസേന ശക്തമായ തിരിച്ചടിയാണ് നല്‍കിവരുന്നത്.

രാജ്യത്തിന്റെ വ്യോമപാതയും സുപ്രധാന എണ്ണ സ്രോതസ്സുകളും ലക്ഷ്യമിട്ടുള്ള ഏത് നീക്കങ്ങളെയും പൂര്‍ണ്ണ ശക്തിയോടെ പ്രതിരോധിക്കാന്‍ സജ്ജമാണെന്ന് അധികൃതര്‍ വ്യക്തമാക്കി. പൗരന്മാരുടെയും പ്രവാസികളുടെയും സുരക്ഷ ഉറപ്പാക്കാന്‍ വിപുലമായ സുരക്ഷാ സന്നാഹങ്ങളാണ് രാജ്യത്തുടനീളം ഏര്‍പ്പെടുത്തിയിരിക്കുന്നത്.

Tags: Houthi Attack Riyadh, Saudi Aramco Dhahran Attack, Missile Shrapnel Riyadh Injuries, Saudi Arabia News Malayalam, Middle East Conflict Malayalam, Houthi Drone Missile Strike

News Tag Live യുട്യൂബ് ചാനല്‍ Subscribe ചെയ്യുക