മധുരയിൽ ട്രെയിന് തീപിടിച്ച് ഒമ്പതുപേർ മരിച്ചു

ചെ​ന്നൈ: ത​മി​ഴ്‌​നാ​ട്ടി​ലെ മ​ധു​ര​യി​ൽ ല​ക്‌​നോ-​രാ​മേ​ശ്വ​രം ടൂ​റി​സ്റ്റ് ട്രെ​യിന് തീ​പി​ടി​ച്ച് ഒമ്പതു​പേ​ർ മ​രി​ച്ചു. 20 പേർക്ക് പരിക്ക്. ക്ഷേത്രദർശനത്തിനെത്തിയ യു​പി സ്വ​ദേ​ശി​ക​ളാ​ണ് മ​രി​ച്ച​വർ. പരിക്കേറ്റവരിൽ പലരുടെയും നില ​അതീവ​ഗുരുതരമായതിനാൽ മ​ര​ണ സംഖ്യ ഇനിയും ഉ​യ​രാനാണ് സാ​ധ്യ​ത.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

സ്റ്റേഷന് സമീപമുള്ള യാഡിൽ നി​ർ​ത്തി​യി​ട്ടി​രു​ക്കു​മ്പോ​ഴാ​ണ് അ​പ​ക​ടം. ട്രെയിനിനുള്ളിൽ ഭക്ഷണം പാകം ചെയ്യാൻ ശ്രമിക്കുന്നതിനിടെ ഗ്യാസ് സിലിണ്ടർ പൊട്ടിത്തെറിച്ചാണ് അപകടമുണ്ടായതെന്നാണ് റിപോർട്ട്.

രാവിലെ അഞ്ചിനാണ് അപകടമുണ്ടായത്. ഈ മാസം 17 നാണ് 60 പേരടങ്ങുന്ന സംഘം ലഖ്നൗവിൽ നിന്നു പുറപ്പെട്ടത്. നാഗർകോവിലിലെ ക്ഷേത്ര സന്ദർശനത്തിന് ശേഷം വെള്ളിയാഴ്ച രാത്രിയാണ് ഇവർ മധുരയിലെത്തിയത്.

News Tag Live യുട്യൂബ് ചാനല്‍ Subscribe ചെയ്യുക