10
Oct 2023
Wed
സിക്കിമില് മേഘ വിസ്ഫോടനം, മിന്നല് പ്രളയം; 23 സൈനികരെ കാണാനില്ല| വീഡിയോ കാണാം
 |
|
ഗുവാഹതി: സിക്കിമില് മേഘ വിസ്ഫോടനത്തെത്തുടര്ന്ന് മിന്നല് പ്രളയം. തീസ്ത നദിയില് ഉണ്ടായ മിന്നല് പ്രളയത്തില്പ്പെട്ട് 23 സൈനികരെ കാണാതായി. പ്രളയത്തില് ഒഴുകിപ്പോയെന്ന സംശയത്തില് തിരച്ചില് ആരംഭിച്ചിട്ടുണ്ട്. പ്രളയത്തില് താഴ്ന്ന പ്രദേശങ്ങള് വെള്ളത്തിന്റെ അടിയിലായിട്ടുണ്ട്. ചുങ്താങ് അണക്കെട്ടില്നിന്ന് വെള്ളം ഒഴുക്കിവിട്ടത്തും സാഹചര്യം മോശമാക്കി.നദിയില് 15 മുതല് 20 അടിവരെ ജലനിരപ്പുയര്ന്നു. ഇതേത്തുടര്ന്ന് സിങ്താമിലെ ബര്ദാങ്ങില് നിര്ത്തിയിട്ടിരുന്ന സൈനിക വാഹനങ്ങള് ഒലിച്ചുപോകുകയായിരുന്നുവെന്നാണ് റിപ്പോര്ട്ട്.
വടക്കന് സിക്കിമിലെ ലൊനക് തടാകത്തിന് മുകളിലാണ് മേഘ വിസ്ഫോടനം സംഭവിച്ചത്. തടാകം കരകവിഞ്ഞ് ഒഴുകിയെത്തിയ വെള്ളമാണ് തീസ്ത നദിയില് മിന്നല് പ്രളയത്തിന് കാരണമായത്. മിന്നല് പ്രളയത്തില് സൈനിക ക്യാമ്പുകളെയും മറ്റും കാര്യമായി ബാധിച്ചതായും റിപ്പോര്ട്ടുകളുണ്ട്.
മിന്നല് പ്രളയത്തില് കാണാതായ 23 സൈനികര്ക്ക് വേണ്ടിയുള്ള തിരച്ചില് ആരംഭിച്ചിട്ടുണ്ട്. സൈനിക വാഹനങ്ങളും വെള്ളത്തില് ഒഴുകിപ്പോയതായും റിപ്പോര്ട്ടുകളുണ്ട്. സൈനികര്ക്കായുള്ള തിരച്ചില് ആരംഭിച്ചതായി സൈന്യം അറിയിച്ചു.
പശ്ചിമബംഗാളിനേയും സിക്കിമിനേയും തമ്മില് ബന്ധിപ്പിക്കുന്ന ദേശീയപാത പത്തിന്റെ പല ഭാഗങ്ങളും ഒലിച്ചുപോയി. പല റോഡുകളും ഗതാഗതയോഗ്യമല്ലാതായി.
#WATCH | Sikkim: A flood-like situation arose in Singtam after a cloud burst.
(Video source: Central Water Commission) pic.twitter.com/00xJ0QX3ye
— ANI (@ANI) October 4, 2023
News Tag Live യുട്യൂബ് ചാനല് Subscribe ചെയ്യുക
Latest News
More Stories
All Rights Reserved © 2026