ഷാർജ അന്താരാഷ്ട്ര പുസ്തകമേള നവംബർ 1 മുതൽ

ഷാർജ അന്താരാഷ്ട്ര പുസ്തകമേളയ്ക്ക് നവംബർ ഒന്നിന് തുടക്കമാവും. 2033ഓളം പ്രസാധനാലയങ്ങളാണ് മേളയിൽ സംബന്ധിക്കുന്നത്. നവംബർ 12ന് പുസ്തകമേള സമാപിക്കും. 15 ലക്ഷത്തോളം പുസ്തകങ്ങളാണ് മേളയിലുണ്ടാവുകയെന്ന് സംഘാടകർ അറിയിച്ചു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഇതിൽ എട്ടുലക്ഷത്തോളം പുസ്തകങ്ങൾ അറബിക് ഭാഷയിലും ഏഴുലക്ഷത്തോളം പുസ്തകങ്ങൾ മറ്റു ഭാഷകളിലുള്ളവയാണ്. പ്രാദേശികവും അന്തർദേശീയവുമായ അറുന്നൂറോളം എഴുത്തുകാർ മേളയുടെ ഭാ​ഗമായി അരങ്ങേറുന്ന വിവിധ പരിപാടികളിൽ സംബന്ധിക്കും. 1700ലേറെ പരിപാടികളാണ് മേളയിൽ അരങ്ങേറുകയെന്നാണ് അധികൃതരുടെ വിശദീകരണം. എത്തിസലാത്ത് ആണ് മേളയുടെ മുഖ്യ പ്രായോജകർ.

ഷാർജ ബ്രോഡ്കാസ്റ്റിങ് അതോറിറ്റിയാണ് മേളയുടെ ഔദ്യോ​ഗിക മീഡിയാ പങ്കാളി. ഖൗല അൽ മുജൈനിയാണ് ഷാർജ അന്താരാഷ്ട്ര പുസ്തകമേളയുടെ ജനറൽ കോ ഓഡിനേറ്റർ.

News Tag Live യുട്യൂബ് ചാനല്‍ Subscribe ചെയ്യുക