സ്കൂട്ടർ മറിഞ്ഞ് കോളജ് വിദ്യാർഥിനി മരിച്ചു

തിരുവനന്തപുരം: സ്കൂട്ടർ മറിഞ്ഞ് കോളജ് വിദ്യാർഥിനി മരിച്ചു. ഒപ്പമുണ്ടായിരുന്ന സഹോദരി നിസാര പരിക്കുകളോടെ രക്ഷപ്പെട്ടു. പാങ്ങപ്പാറ മെയ്ക്കോണം ​ഗോപിക ഭവനിൽ ഉദയ്-നിഷ ദമ്പതികളുടെ മകൾ ​ഗോപിക ഉദയ്(20)ആണ് മരിച്ചത്. മാർ ഇവാനിയോസ് കോളജിലെ മൂന്നാം വർഷ ബിരുദ വിദ്യാർഥിനിയായിരുന്നു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

തിങ്കളാഴ്ച രാത്രി ഏഴരയോടെയാണ് അപകടം. സഹോദരി ജ്യോതികയ്ക്കൊപ്പം ജിംനേഷ്യത്തിൽ പോയ ശേഷം വീട്ടിലേക്ക് മടങ്ങുന്നതിനിടെയാണ് സ്കൂട്ടർ മറിഞ്ഞത്. സമീപത്തുകൂടി പോയ കെഎസ്ആർടിസി ബസിന്റെ ടയർ പൊട്ടിയ ശബ്ദം കേട്ട് പരിഭ്രാന്തയായ ​ഗോപിക സ്കൂട്ടറിൽ നിന്ന് വീഴുകയായിരുന്നുവെന്ന് കരുതുന്നുവെന്ന് പൊലീസ് പറഞ്ഞു. ഹെൽമറ്റ് ധരിച്ചിരുന്നുവെങ്കിലും റോഡിൽ തലയിടിച്ചുവീണതിനെ തുടർന്ന് യുവതിക്ക് ​ഗുരുതരമായി പരിക്കേറ്റു. ഉടൻ ആശുപത്രിയിലെത്തിച്ചെങ്കുലം മരിക്കുകയായിരുന്നു.