എരുമേലിയില്‍ ഒരു മണിക്കൂറിനിടെ ശബരിമല തീര്‍ത്ഥാടകര്‍ സഞ്ചരിച്ച രണ്ട് വാഹനങ്ങള്‍ അപകടത്തില്‍പ്പെട്ടു; ആളപായമില്ല

എരുമേലിയില്‍ ഒരു മണിക്കൂറിനിടെ ശബരിമല തീര്‍ത്ഥാടകര്‍ സഞ്ചരിച്ച രണ്ട് വാഹനങ്ങള്‍ അപകടത്തില്‍പ്പെട്ടു; ആളപായമില്ല

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

പത്തനംതിട്ട: എരുമേലിയില്‍ ഒരു മണിക്കൂറിനിടെ ശബരിമല തീര്‍ത്ഥാടകര്‍ സഞ്ചരിച്ച രണ്ട് വാഹനങ്ങള്‍ അപകടത്തില്‍പ്പെട്ടു. രണ്ട് അപകടങ്ങളും ശബരിമല പാതയില്‍ ഇന്ന് പുലര്‍ച്ചെയാണ്. തീര്‍ത്ഥാടകരുടെ ഒരു വാഹനം നിയന്ത്രണം വിട്ട് തോട്ടിലേക്ക് മറിയുകയായിരുന്നു. പൊലീസ് സ്റ്റേഷന് സമീപത്തെ പാര്‍ക്കിംഗ് മൈതാനത്ത് നിന്നാണ് മിനി ബസ് നിയന്ത്രണം തെറ്റി തോട്ടില്‍ പതിച്ചത്. തമിഴ്‌നാട് നിന്നുള്ള തീര്‍ത്ഥാടക വാഹനമാണ് അപകടത്തില്‍പ്പെട്ടത്. പരിക്കേറ്റവരെ വിവിധ ആശുപത്രിയില്‍ പ്രവേശിപ്പിച്ചു. ഈ സംഭവത്തില്‍ 11 തീര്‍ത്ഥാടകര്‍ക്ക് പരിക്കേറ്റു. ആരുടെയും പരിക്ക് ഗുരുതരമല്ല. അപകടം നടന്ന ഉടന്‍ പൊലീസെത്തി നടത്തിയ രക്ഷാപ്രവര്‍ത്തനത്തില്‍ വാഹനം കരയ്ക്കു കയറ്റി.12 പേരാണ് വാഹനത്തില്‍ ഉണ്ടായിരുന്നത്.

എരുമേലി കണമല അട്ടിവളവില്‍ മറ്റൊരു അപകടവും ഉണ്ടായി. തീര്‍ത്ഥാടകരുടെ ബസ് നിയന്ത്രണം തെറ്റി മറിയുകയായിരുന്നു. മാര്‍ത്താണ്ഡം സ്വദേശികളായ മേരി, റോസ് ലെറ്റ്, ശിവാസ്, എന്നിവര്‍ക്ക് പരിക്കേറ്റു. പരിക്കേറ്റവരെ ആശുപത്രിയിലേക്ക് മാറ്റി. പുലര്‍ച്ചെ അഞ്ചരയോടെയാണ് അപകടം ഉണ്ടായത്.