പാലക്കാട്ട് കോൺ​ഗ്രസ് പ്രവർത്തകരെ വെട്ടിയ സംഭവത്തിൽ നാലുപേർ പിടിയിൽ

പാലക്കാട് കണ്ണന്നൂരിൽ കോൺഗ്രസ് പ്രവർത്തകരെ വെട്ടിപരിക്കേൽപ്പിച്ച സംഭവത്തിൽ നാല് പേർ അറസ്റ്റിലായി. മാത്തൂർ സ്വദേശികളായ ദിനേശ്, ഗണേഷ്, സുനിൽ, കൊടുന്തിരപ്പുള്ളി സ്വദേശി സിജിൽ എന്നിവരാണ് അറസ്റ്റിലായത്. തിങ്കൾ വൈകിട്ട് പ്രതികൾ പൊലീസ് പിടിയിലായിരുന്നു. ചോദ്യം ചെയ്യലിൽ ഇവർ കുറ്റം സമ്മതിച്ചു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

സാമ്പത്തിക ഇടപാടിലെ പ്രശ്നങ്ങൾ ചോദ്യം ചെയ്തതിന് കോൺഗ്രസ് പ്രവർത്തകർ മർദിച്ചെന്നും, ഇതിന്റെ പ്രതികാരമായാണ് ആക്രമണം നടത്തിയതെന്നുമാണ് അറസ്റ്റിലായവരുടെ മൊഴി. തിങ്കൾ രാവിലെയാണ് കണ്ണനൂർ ജങ്ഷനിൽ വച്ച് കോൺഗ്രസ് പ്രവർത്തകരായ റെനിൽ, വിനീഷ് , അമൽ, സുജിത്ത് എന്നിവർക്ക് നേരെ ആക്രമണമുണ്ടായത്. ‌

ഓട്ടോറിക്ഷ തൊഴിലാളി പലിശയ്‌ക്കെടുത്ത 5000 രൂപയുടെ അടവ് തെറ്റിയതിനെ തുടർന്ന് പലിശയ്ക്കു നൽകിയവർ തൊഴിലാളിയെ ആക്രമിക്കുന്ന സ്ഥിതി ഉണ്ടായിരുന്നു. പ്രശ്‌നം അവസാനിപ്പിക്കാൻ ഇടപെട്ടതിനെ കോൺ​ഗ്രസ് പ്രവർത്തകരെ സായുധസം​ഘം ആക്രമിച്ചത്.