ഓർമക്കുറവുള്ള വയോധികനെ കാണാതായി

കോഴിക്കോട്: ഓർമക്കുറവുള്ള വയോധികനെ കാണാതായി. മീഞ്ചന്ത ഉള്ളിശ്ശേരിക്കുന്ന് സ്വദേശിയായ രമേശനെ(62)യാണ് കാണാതായത്. ചൊവ്വാഴ്ച വൈകീട്ട് നാലിന് ടിവി കണ്ടുകൊണ്ടിരിക്കെ രമേശൻ വീട്ടിൽ നിന്നിറങ്ങിപ്പോവുകയായിരുന്നു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

സിസിടിവി ദൃശ്യങ്ങൾ അടിസ്ഥാനമാക്കി നടത്തിയുള്ള തിരച്ചിൽ അന്നേദിവസം വൈകീട്ട് 4.35ന് ഒളവണ്ണ ഭാ​ഗം കടന്നുപോയതായി കണ്ടെത്തിയിരുന്നു. എന്നാൽ പിന്നീട് യാതൊരു വിവരവും ലഭിച്ചില്ല. കുടുംബം പോലീസിൽ പരാതി നൽകിയിട്ടുണ്ട്.

കാണാതാവുമ്പോൾ കാവിക്കളർ മുണ്ടും ചന്ദനക്കളർ ഷർട്ടുമാണ് ധരിച്ചിരുന്നത്. കൈയിൽ ഒരു കുടയുണ്ട്. മറവിരോ​ഗത്തെ തുടർന്ന് മരുന്ന് കഴിച്ചുകൊണ്ടിരിക്കുകയാണ് രമേശൻ എന്ന് വീട്ടുകാർ പറഞ്ഞു. ഇദ്ദേഹത്തെ കണ്ടുകിട്ടുന്നവരോ എന്തെങ്കിലും വിവരം ലഭിക്കുകയോ ചെയ്യുന്നവർ 9995961060, 9633434909, 9746701691 എന്നീ നമ്പരുകളിൽ വിളിച്ചറിയിക്കുക.